櫻桃小丸子造型杯喚醒童年回憶 網購$320買齊一套3款

香港有唔少人係櫻桃小丸子粉絲，黛安打聽到，港鐵由7月16日至8月5日一連3個星期，將會推出櫻桃小丸子遊樂場造型杯套裝系列，齊集小丸子、野口同學及友藏爺爺呢3位人氣角色，將鐵路元素及經典遊樂場嘅場景融入設計，喚醒大眾嘅童年回憶！

港鐵公司香港客運服務總監楊美珍同黛安分享，佢話《櫻桃小丸子》故事嘅角色一向都係樂觀應對各種生活上嘅挑戰，帶畀大家快樂及正能量，而社區遊樂場更讓我哋珍惜同家人朋友共度快樂時光嘅美好回憶。

每款櫻桃小丸子造型杯套裝都包括1個卡通人物角色圖案杯、遊樂場場景杯蓋及襯色軟膠杯墊，集齊全套3款更可任意配搭，每套售價為$120。數量有限，售完即止。

MTR Mobile登記用戶喺推廣期內可於網上商店享有獨家優惠，以$320買齊一套3款商品兼賺MTR分，詳情可瀏覽www.mtr.com.hk/estore。