鄭秀文化身Mi姐 做黃老太傳人 百佳慶祝50歲送連串chill驚喜

百佳踏入50周年，黛安收到風，品牌專登請咗今年即將50歲嘅「百變天后」鄭秀文Sammi做最新代言人，以50周年Chill級市場Mi姐形象，加入百佳大家庭，秉承「黃老太」真傳，帶嚟連串Chill驚喜優惠！

公關姊妹話，Sammi（Mi姐）拍攝新廣告當日表現興奮，仲即場食咗好多薯片，又到處睇商品嘅擺位，儼如「黃老太」上身。Sammi更透露平日都好鍾意逛百佳超市，為屋企添置高質且抵買嘅日常用品及食材，同幾間百佳店員都熟絡，更被稱為「最型師奶」。

身為「黃老太」傳人嘅Sammi自言好師奶，鍾意儲印花換禮物，覺得過程好生活化及有趣；尤其今次嘅米奇老鼠電子印花換購活動，佢話一定會去百佳掃貨儲印花，靠自己換走米奇老鼠精品，仲話已記熟多個慶祝活動及驚喜優惠，知道點樣消費可儲到更多印花㖭！Sammi嘅50周年Chill級市場廣告今日（17日）就會首播，佢都提大家記得留意百佳50周年連串活動，唔好錯過各項獎賞優惠呀。