MegaBox「綫上1折慈善購物節」 筍價購物又做善事

疫下唔少人生活困難而急需他人伸出援手，黛安知道，MegaBox計劃喺本月16至25日舉辦「綫上1折慈善購物節」，Mega Club會員可優先搶購低至1折嘅精選產品，收益將全數撥捐「樂餉社」，等大家滿載而歸之餘，又可回饋社會。

Mega Club會員只要換領購物節優惠碼，本月24至27日，喺MegaBox Jetso eShop綫上平台購買慈善價貨品時輸入優惠碼，即可優先搶購心水筍貨；優惠貨品應有盡有，從絲漣床褥、悠揉椅等家品，到防水外套、炸芝士條及嘉禾MegaBox換票證都有。

另外，MegaBox亦會喺本月24日至下月30日舉辦「MegaBox Shopping Fest」，數萬件產品同樣以低至1折優惠價限量發售，折扣貨品總值達數百萬元，仲可以參加「至潮家品購物賞-購物節限定」，換領性價比高及家中必備嘅電器，真係好抵啊，黛安都要約埋姊妹去掃貨呀。