滙豐聯同屈臣氏集團 推客戶獎賞

黛安一向都係屈臣氏嘅擁躉，聽公關姊妹講，滙豐同屈臣氏集團將會合作，由即日起至4月30日，一齊推出嶄新客戶獎賞計劃，推廣期內滙豐白金Visa卡持卡人同「易賞錢」會員，喺百佳和旗下超市、屈臣氏和豐澤購物，可以享有一系列獎賞及優惠，消費同時儲積分，積分又可以當現金用，幫你慳上慳，超抵啊！

姊妹話，新獎賞計劃下，滙豐白金Visa卡持卡人憑卡喺相關商戶消費，可以賺取4倍「易賞錢」積分，「易賞錢」VIP會員持卡人仲有6倍「易賞錢」積分㖭。而商戶特設嘅「會員折扣日」，持卡人憑卡喺網店和店舖簽帳，亦可享高達額外92折優惠。

易賞錢顧客體驗總監及屈臣氏集團首席顧客見解及分析總監吳孟婷話，易賞錢擁有近380萬名活躍會員，過去15年已向會員送出600億積分，相等於12億元。

姊妹仲話，除咗獨家簽帳優惠外，滙豐白金Visa卡持卡人亦可專享多項服務禮遇，包括免費送貨、免費體驗屈臣氏專業美妝和註冊中醫諮詢服務，同埋生日優惠㖭。