大家樂「區區開年飯2022」 三千個盆菜送基層

疫情下唔少家庭都需要支援，大家樂集團喺今年農曆新年期間，就透過「區區開年飯2022」活動，同旗下品牌活力午餐及泛亞飲食，合力製作咗逾3,000個「豐盛有營」二人盆菜，並透過30個社福機構，分發到各區服務中心同院舍，惠及約6,000名長者、低收入家庭同殘障人士等。

黛安仲知道，為顧及大眾健康，二人盆菜嘅食材更由營養師精心選配，包括以瘦豬肉、馬蹄、豆腐及冬菇烤製嘅獅子頭、非油炸鮮枝竹及原粒日本瑤柱等，廚師仲特登煮軟腍啲，方便長者同小朋友進食。除咗中式傳統盆菜，大家樂集團仲特意整咗100份「清真認證」盆菜，派畀基層少數族裔人士，真係好有心啊。