敏華冰廳動畫新廣告 尋找高手味道

敏華冰廳一向好有創意同破格，黛安聽公關姊妹講，最近餐廳首次聯乘日本動畫工作室Asurafilm和音樂製作人，打造全新品牌動畫，將美食融入動畫，帶大家尋找高手味道！

黛安都睇過段短片，片中見到兩大高手龍爭虎鬥，火熱高手先舉起一碗「黯然銷魂飯」，大塊厚切梅頭叉燒配半熟流心荷包蛋，再淋上自家調味嘅頭抽同香蔥油，好味到「着」晒火；之後再來「BIG MEN菠蘿包」，外脆內軟加埋芝士、炒蛋、番茄同埋午餐肉配搭。另一邊嘅冷靜高手則以靜制動，以冰制火，呈現透心涼嘅紅豆冰和其他冰涼凍飲，必定可令食客爽到入心啊。

姊妹話，Asurafilm來頭唔少，曾參與電影《天氣之子》、《多啦A夢︰大雄之新恐龍》、《進擊的巨人第三季》等後期創作或協助，難怪段廣告片咁高質啦，大家一定要【按此】去睇睇呀。