「我就是我」計劃 冀消除精神問題污名化

香港人精神壓力大，不過好多人對精神健康問題有誤解，黛安聽聞兩大慈善機構Mind HK同怡和集團旗下嘅「思健」，最近合作推行「我就是我」計劃，希望消除社會對精神問題嘅污名，真係好有意義。

公關姊妹話，今次計劃以30位Mind HK大使嘅精神健康故事，以及佢哋復元期間嘅心路歷程為主題，下月15日至19日，喺上環善慶街The Wild Lot舉辦展覽，以真人故事為大家解釋精神健康，等大家理解經歷精神健康困擾嘅朋友都係#MoreThanALabel，與你我無異。另外，敘述41個精神健康故事嘅《我就是我：平凡人的不平凡心路歷程》新書亦會喺展覽推出，黛安都好期待到時去睇下！