李徐子淇創作親子讀本 食麥記開心樂園餐贈閱

書本世界可誘發無窮想像，自細開始培養閱讀習慣，更有利小朋友身心發展。麥當勞公關姊妹同黛安講，今年請咗星級媽咪李徐子淇（Cathy），同本地插畫家黃欣欣合作，為開心樂園餐創作一套6本親子繪本。今日起買開心樂園餐即可隨機獲贈1本繪本，等小朋友開心「食大餐」之餘，仲可通過繪本嘅日常生活小故事學到唔同嘅成長信息。

姊妹話，Cathy今次係第一次為麥當勞創作《有德學》繪本，佢同寶貝仔女嘅相處點滴就係創作靈感，囡囡李晞兒都有份幫手畫插圖㗎。6本親子繪本分別以《體諒他人》、《學會求助》、《誠實是寶》、《尊重別人》、《我做得到》及《保護自己》做主題，例如《誠實是寶》嘅主角欣欣講完大話後，誠實咁認錯，家長亦要好耐心幫佢哋理解誠實嘅重要性。

Cathy仲話非常享受創作過程，尤其是同囡囡討論嘅過程中，可更深入了解小朋友嘅想法，希望家長通過親子共讀，可以同小朋友一齊交流同成長。