海港城Pixar Fest紀念金幣 完成壓印任務可換領

海港城上月底開始同迪士尼及彼思動畫製作室（Pixar）合辦本港首個Pixar Fest，黛安知道，活動反應熱烈，最近大會加入新元素，即日起推出12款全新角色圖案壓印，只要完成指定任務，更有機會換領8月推出嘅限量版紀念金幣㖭！

公關姊妹話，只要用$50換購一套12張電影紀念明信片，走訪海港城12個場景，喺各張明信片上壓印齊各個角色圖案，再向工作人員展示成果，就會收到意外驚喜，Harbour Cityzen會員更可額外以$20換購Pixar Fest海報1張。

限量4,000個嘅「Pixar Fest@海港城紀念金幣」，係為咗慶祝彼思成立35周年而推出，每個都有獨一無二嘅編號。大家只要以$100購買Pixar Fest毛巾同明信片套裝，登記做Harbour Cityzen以獲得金幣電子換領證，再完成上述嘅印圖案活動，並用手機程式拍攝最少一張「AR體驗」照片，就可以換領一枚紀念金幣。大會亦會每周發放新驚喜，詳情請留意海港城fb喇。