一粥麵慶祝22周年 $22歎足料雲吞麵

飲食業競爭激烈，要做到廿幾年真係唔易。黛安平時食開嘅「一粥麵」，最近慶祝品牌成立22周年，大派優惠回饋顧客，如明日（22日）會推出一日限定優惠，下午1點開始全綫分店（機場、天耀廣場及屯門醫院分店除外），以$22就可以食到原價$32起嘅「鮮蝦雲吞麵」喇！

「一粥麵」嘅雲吞麵向來以足料見稱，雲吞係用100%丹麥去皮挑骨豬腩及原隻海蝦包製，保證隻隻啖啖鮮味，湯頭仲係用大地魚、蝦殼、豬骨、羅漢果及新會陳皮等材料熬製，令鮮甜味再昇華。咁正嘅雲吞麵明日用$22就可以歎到，優惠只限一天，數量有限售完即止㗎，黛安都要約定朋友去排隊食先得。