近日香港市民陸續接種疫苗，當中更有一名63歲長期病患男子在接種疫苗2日後死亡，惹來公眾疑慮，雖然有關當局初步認為事件與疫苗接種沒有直接關係。至於娛樂圈銀髮「高危一族」，對疫苗投以信任一票，66歲的林青霞、68歲的張瑪莉、67歲的肥媽Maria Cordero ; 65歲的陳榮峻和61歲的太太吳香倫已經順利接種疫苗。
林青霞在微博透露打咗科興疫苗。（圖片：林青霞微博）
林青霞今日凌晨3點在微博發文。（圖片：林青霞微博）
大美人林青霞今日凌晨時分在微博發文，表示已經接種了第一針科興疫苗，並分享注射疫苗後的反應，她寫著，「星期三打了第一針科興疫苗感覺很好，沒甚麼反應，心情愉快。」有網民指她很大膽，敢去打疫苗，亦有網友留言「我正在考慮打不打疫苗，本來有一絲絲害怕，看到姐姐這樣說就不害怕了！」
陳榮峻和吳香倫日前拍住拖去私家診所接種疫苗。（圖片：《晴報》）
至於無綫藝員吳香倫在IG上載和老公陳榮峻接種疫苗時的照片，夫婦兩人接受《晴報》訪問，陳榮峻稱：「原先我上網預約2月27號去打，我係電腦白癡，自己預約到但幫唔到太太預約，到2月27號嗰日我帶埋佢去，工作人員話佢冇預約唔打得，所以3月2號我哋一齊去咗私家醫生度打針。」
之前有長期病患男子接種疫苗2日後死亡，事件可有令兩人擔心？吳香倫笑道：「接種完冇乜嘢感覺，係返到屋企有啲攰，好好瞓添！」陳榮峻則說：「又冇擔心喎，因為我哋都問過自己嘅醫生，佢哋都建議可以打。(好多網民留言替你哋擔心) 有睇到，話我哋夠薑去打。咁事前都睇咗唔少報道，專科醫生都話科興呢隻疫苗安全，副作用少，好似平時打流感針咁，所以先選擇咗去打。而打之前醫生都有問清楚我哋嘅病歷、有冇藥物敏感，到月底會再打第二針。」
港姐冠軍｜謝嘉怡新年素顏Look探肥媽 陸浩明同女友情侶裝網友讚登對 【下一頁】
(點擊圖片放大)
- {{hket:inline-image name="99999.jpeg"}}{{/hket:inline-image}}
- {{hket:inline-image name="12.jpeg"}}{{/hket:inline-image}}
至於肥媽昨晚在其YouTube頻道節目中，分享打疫苗經過，肥媽一臉開心對張學潤（Nel Nel）說：「我今日做咗件對自己好好嘅事，就係打疫苗！」肥媽隨即拉高衫袖展示左手手臂上的打針位置。Nel Nel問：「阿媽你打咗冇事吖？」肥媽答：「冇事呀！過程好快，仲快過打流感針，真係好似牙籤咁篤一篤，佢啲針特別幼，其實我好驚打針，就算打屁股都好，我都會咬實手指，醫生都笑我『你幾多歲呀』，仲怕打針！」回想打針時，「因為太驚，我用手搣自己嚟分散注意力……」說時遲那時快，已經完成接種。
「係阿仔幫我預約打針嘅，佢話我係高危一族，我係屬於第一批打，打針好喎，嚟緊4月1號就要打第2次。」肥媽續稱︰「接種完疫苗後，需要坐半小時，確定冇異常反應先准離開，我冇嘢，打完仲同個仔去食粥同油炸鬼、腸粉添！」
另外68歲的張瑪莉，昨日在Facebook Live，表示會去打疫苗針，「好多朋友問我打咗疫苗未？我未接種，等我完成手頭上嘅工作先，要過多兩個星期，到時接種完會預10日時間畀自己休息吓。」她表示暫時未決定接種哪一種疫苗，正在做資料搜集，亦會咨詢醫生朋友意見，「都要根據每個人自己嘅需要，我唔想影響任何人嘅選擇。我決定咗、接種咗之後先話畀大家知啦，最希望接種後冇乜嘢大反應啦！」張瑪莉自認是「高危一族」，「接種疫苗除係保護自己保護他人。」直言以往連流感針都不會打，「我唔鍾意食藥、睇醫生！情願靠自己辛苦啲，努力做運動保持抵抗力！外求不如內求，自己要食得健康啲、小心啲。做運動啦，出汗係最好排毒方式，同每日都要曬下太陽。」
(點擊圖片放大)
- {{hket:inline-image name="99999.jpeg"}}{{/hket:inline-image}}
- {{hket:inline-image name="08.jpg"}}{{/hket:inline-image}}
- {{hket:inline-image name="16.jpg"}}{{/hket:inline-image}}
- {{hket:inline-image name="07.jpg"}}{{/hket:inline-image}}
隔離日子︳張曦雯素顏零瑕疵冇得輸 胡定欣靠小鮮肉視像解悶 【下一頁】