「少婦聯盟」陳凱琳、龔嘉欣和譚凱琪作客《Master's Talk師父有請》節目大談生意經，陳凱琳和龔嘉欣笑言小時候的志願同樣是做幼稚園老師，感覺好有愛心，好鍾意小朋友，而譚凱琪自小想做空中小姐。問到做生意的想法，龔嘉欣說：「我細個冇諗呢方面，屋企做塑膠工模，由爺爺年代開始白手興家，諗住到我呢一代係要繼承呢個家業，細個成日對住塑膠機器，或者做好多報價單嘅文書工作，不過試過有次打少個零，爺爺就冇再叫我搞。」
陳凱琳表示爸爸一直是生意人，但沒有給予她壓力要女承父業，近年投資自家落妝棉品牌，完全是為了興趣。「近年開始做生意係因為生咗小朋友，想多啲時間留喺屋企，又想Keep住工作個人先會醒目啲，但我真係唔叻，所以搵拍檔幫忙。（點揀拍檔？）每個人都唔同，但我會揀本身個拍檔有做開生意，而且係成功嘅，而對方話我知唔會畀呢件事衰，佢有呢個想法，令我更加有信心。」她表示由於落妝棉市面上不多，競爭性不算很大，而且她的品牌價錢相宜，絕對有利可圖。她說：「唔係諗住一開始就賺大錢，只係覺得玩下都好，我好細膽，唔敢投資好大，只係六位數字頭。」她表示暫時生意不錯，快要追到收支平衡。
龔嘉欣近年在馬來西亞開設火鍋店榮升老闆娘，她表示自己愛親力親為，由裝修、揀碗和試湯底等都自己去做，她說：「我鍾意落手落腳，火鍋利潤好高，而且當地仍然有明星效應，我哋去到都幾受歡迎呀！」可惜近日由於新冠肺炎疫情的關係，馬來西亞實施封城，生意大受影響，龔嘉欣說：「好頭痕，當生意忙到停唔到手嘅時候，突然遇上疫情，無辦法惟有等，我仲要提供員工包食包住，冇辦法惟有照畀，我覺得好難得遇到一班肯為你做嘅同事，所以守住先。」她形容感覺血流緊。龔嘉欣表示自己做生意只是副業，因她習慣投放太多感情去做，甚至大壓力到一度停經。問到有沒有怪客？嘉欣說：「我平時負責在收銀位置聽電話收訂位，對方問我係咪龔嘉欣，我答唔係，但佢到場之後就會揭穿我。有次有個電話打嚟，我已經忙到爆，對方問我有咩推薦，我話我湯底係冇味精，佢話唔信，當時真係火起，但我知顧客永遠是對的，所以我冇發火。」
至於譚凱琪在5至6年前開設過一家餐廳，營運了3年時間，起初生意不錯，不過由於位處於銅鑼灣又遇上社會問題，加上租約期滿，她認為沒辦法繼續維持，所以結束生意。她說：「做生意真係好難，特別係管理，樓面同事話射波就射波，真係好難搞。不過如果好幫得手嘅廚師，我哋就會畀佢入股，咁樣佢會做得投入啲。」
麥玲玲分享到自己的奇怪生意之道，她透露由於老公善於理財，所以玄學生意盤數太複雜，都交由他一手包辦。她認為做生意的人首先條件是不怕窮，她說：「我唔做生意因為我好怕窮，唔怕窮先會博到一鋪。我會同我拍檔講，由於命格問題，我係唔可以真金白銀拎出嚟投資，費事陀累你，當住你幫我出住我嗰份先，一個月就會翻本。」同場的林盛斌即時嘩聲四起，指麥玲玲投資不出錢，又要做大股東，實在難以理解。
（↓點擊放大睇圖片↓）
- {{hket:inline-image name="8f327975-8ec4-49f3-b86b-5edc54a687cd.jpg"}}{{/hket:inline-image}}
- {{hket:inline-image name="_DSC5452.JPG"}}{{/hket:inline-image}}
- {{hket:inline-image name="66472250_205033983815749_3790454669888264935_n.jpg"}}{{/hket:inline-image}}
- {{hket:inline-image name="93991085_253155532545236_3539587626220445125_n.jpg"}}{{/hket:inline-image}}
- {{hket:inline-image name="132762375_186840023129041_8996168209592114882_n.jpg"}}{{/hket:inline-image}}
- {{hket:inline-image name="123139598_364538767994692_66463850939824107_n.jpg"}}{{/hket:inline-image}}
- {{hket:inline-image name="120090585_1001270733617447_3695461448860290807_n.jpg"}}{{/hket:inline-image}}
- {{hket:inline-image name="_DSC5464.JPG"}}{{/hket:inline-image}}
- {{hket:inline-image name="120132183_357125052312415_6173753575092595481_n.jpg"}}{{/hket:inline-image}}
- {{hket:inline-image name="49858413_101520950920227_7236616236591548355_n.jpg"}}{{/hket:inline-image}}
麥玲玲指鄭嘉穎講過從來冇做過生意，陳凱琳說：「你真係好記性，佢話自己係辛苦命，每一個賺嘅錢都係自己勞力去賺。（投資物業？）我自己未有物業，我唔識又驚揀錯，一直都未揀啱，而家居住嘅單位係租住，（嘉穎世界各地有物業？）等我返去問下佢先，你喺邊個網站睇到？可唔可以話我知？」陳凱琳表示自己做生意時，嘉穎都擔心她被騙而反對，因她太容易相信別人，但最終她衡量過之後決意去做，嘉穎都表示支持。「佢本身話買100盒化妝棉支持我，但屋企邊有咁多位放？」
而龔嘉欣剛剛在將軍澳區首次置業，500呎兩房單位，終於有個安樂窩，她說：「我揀咗個海景，我用嚟自住，冇諗過升唔升值，最重要睇個感覺。」而剛榮升媽咪的譚凱琪稱一直都想投資物業，希望將來有備用收入，問到會否為女兒購買物業？她說：「反而係買讀書基金，比較用得著，我睇長線發展，畢竟十年廿年後，唔知自己仲有冇工作能力，咁樣會安心啲。」