《Master's Talk》︳袁偉豪叩頭1000次道歉轉運娶富千金張寶兒得我治到佢！

娛樂

發佈時間: 2021/02/22

袁偉豪現身林盛斌（Bob）和麥玲玲主持的無綫節目《Master's Talk 師父有請》擔任嘉賓，今集以「人運和地運」為主題，談到藝人借運來助事業發展。袁偉豪表示未借過運，反而分享了一個「謝罪轉運」的親身經歷。他說多年前遇上一個問米婆婆，對方指他前世得罪人，遮了他半塊面，所以出道頭十年事業完全沒有起色。經問米婆婆指點下，他向前世得罪的人認錯，他唸著對方的姓氏叩頭1,000次道歉謝罪，然而經過叩頭道歉之後，不久便簽約無綫，事業亦開始慢慢轉好，真的信不信由你！

袁偉豪前世得罪人，最後呢個債點樣化解呢？（圖片 :受訪者提供)

姚子羚、陳山聰、袁偉豪和謝東閔節目中分享「人運」和「地運」經歷。（圖片 :受訪者提供)

至於「地運」，袁偉豪現和太太張寶兒住6千萬豪宅，他說未婚前自己大約三年多就搬屋一次，去年因為結婚更一年內搬了兩次屋，但總算跟太太擁有自己的安樂窩，不過，這間亦不是他的終極dream house，他說：「我跑步經過大拗門，沿路山邊有間破屋，好似《鐵甲奇俠》間屋咁款，間屋出面一邊係懸崖，另一邊係有幾棵樹，落地玻璃望住清水灣，我就心諗好想有機會可以住呢度，擁有自己設計嘅車房同埋band房，呢間就係我嘅dream house！」

Master's Talk│馬國明被批今年有望雙喜臨門好友黎諾懿：「咁阿湯要出絕招」【下一頁】

（↓點擊圖片放大↓）

因太太張寶兒是富家千金關係，令他面對不少壓力，他說：「其實唔睇嗰啲報道我真係冇嘢，睇咗反而唔開心，入到外父屋企有乜嘢好驚？我唔會驚，反而睇完報道之後唔舒服，唔舒服係點解要咁講我呢？多多少少影響自己情緒。」袁偉豪承認性格硬頸，一時抵不住頸會駁嘴，「所以我耐唔耐就出聲講吓嘢，我有自己睇法，你哋覺得係咪係囉，再講真，咁層樓我唔使供㗎咩？我都要搵錢，我都要keep好個樣出嚟，點知又畀你班人話面膠、醜男！」

面對外間閒言閒語，袁偉豪稱沒有影響自己和寶兒之間的感情，亦得到寶兒父母信任將寶貝女交托予他，「佢父母見我一步一步成長，捱出自己事業先咁放心，同埋佢哋覺得只係得我可以治到寶兒。」袁偉豪直言買樓一事是外父主導，建議他買，花幾天計計數，加上他硬頸又大膽個性，決定試試看。

（↓點擊圖片放大↓）

39歲的袁偉豪於2007年參加《香港先生選舉》贏得冠軍後加入無綫，由小角色做到男一，去年成家立室迎娶富家千金張寶兒，婚後兩人入住清水灣6千萬豪宅。日前袁偉豪的IG上載坐豪華遊艇出海、吹住海風歎咖啡的片短，難怪被網民封「億萬駙馬」。所以，從「人運」到「地運」，袁偉豪可以說是一個「雙贏表表者」。

撰文：衛紫敏

黎明電訊廣告「任性May」霎眼40歲 Lee Ann誕兩女依舊索爆零贅肉 【下一頁】

《Master's Talk》︳袁偉豪叩頭1000次道歉轉運娶富千金張寶兒得我治到佢！

最新文章

生活訊息

《Master's Talk》︳袁偉豪叩頭1000次道歉轉運娶富千金張寶兒 得我治到佢！

最新文章

生活訊息

《Master's Talk》︳袁偉豪叩頭1000次道歉轉運娶富千金張寶兒得我治到佢！