7-11情侶公仔套裝可錄播情話 幸福滿載甜到漏

受疫情影響，好多情侶都減少咗見面，嚟緊嘅情人節就係維繫彼此關係嘅好時機呀！公關姊妹同黛安講，7-Eleven同Sanrio推出限量版嘅Little Twin Stars公仔套裝。呢對公仔會着上和服情侶裝，Baby blue打扮嘅Kiki會手抱「幸福」心形抱枕，Lala就以少女感單馬尾及粉嫩粉紅色和服示人，兼捧起「滿載」心形咕𠱸，寓意新一年幸福將會降臨喺你身邊，二人湊成一對，真係睇見都甜蜜呀。

姊妹仲話，公仔套裝唔止可愛，仲設有錄音及播放功能，只要按住Kiki左手上嘅星形按鈕，就可以錄製約15秒情話送畀另一半，就算見唔到面都可以播番嚟聽，好sweet呀！公仔套裝高約20厘米，闊約30厘米，仲包埋3枚AAA電池。即日起可去7-11分店消費加$199，或yuu會員加$189，就可換購「Little Twin Stars公仔套裝」1件，數量有限，換完即止，各位情人要把握機會喇。