新世界口罩加推新年特別版 增多個零售點

黛安之前買過新世界嘅香港製造口罩，確實透氣又型格。公關姊妹話，佢哋會推出新年特別版口罩，有酒紅和木藍色2款，即日起至今個月22日，可以喺K11 Design Store和快達票網站訂購，而且大家每買1盒（$120），佢哋就捐一包5個口罩畀非牟利機構基督教勵行會！

另外，佢哋仲新增多個零售點，包括中環新世界大廈、北角甲級商廈K11 ATELIER King's Road、旺角商場THE FOREST、觀塘商廈KOHO和淺水灣商場The Pulse，二月內中環萬年大廈更會有自助售賣機，每包口罩售價由$14至$20不等。