馮盈盈疑棄大隻鄭衍峰另結新歡 與西裝男撐枱腳豪歎米芝蓮餐廳

港姐冠軍馮盈盈感情生活非常「豐富」，最近成為「新聞女王」，是非未停過。她於前年年底與醫生男友鍾文浩分手，而對方將於今個月月底結婚；而早前更傳出她的緋聞男友鄭衍峰因不滿女方不肯公開戀情，二人「吵大鑊」，搞到最終分手連朋友都做唔成！

{{hket:inline-image name="133134069_200995151770760_9101048883625316522_n.jpg"}}{{/hket:inline-image}}

今日再有報道指馮盈盈疑似有新歡，日前她與一名西裝男在中環的意大利餐廳撐枱腳。據知該間餐廳擁米芝蓮三星，午餐人均消費要$1,500。只見女方與西裝男傾足兩小時，不時含情脈脈地望向對方，最後兩人前後腳離開餐廳。

馮盈盈回覆本報查詢時否認西裝男是新歡，表示兩人是普通朋友，「我向佢請教投資意見，順便食飯啫。係討論完公事，先閒談咗幾句。只是爆料者無偷拍到前面 ，誤導了大家！」她又指大家不需要大驚小怪：「而且同朋友食lunch係正常社交，限聚令只准兩人一枱，而家出去食飯都一定係撐枱腳啦！大家無需大驚小怪。見面食個飯，都要講到係新歡？其實有冇考慮過我朋友感受？我隨時拉低佢可發展對象嘅平均質素，影響到我朋友個market，佢又不是圈內人士，希望大家講我好喇，請不要再打擾到佢！」

而鄭衍峰接受訪問時被問到有關馮盈盈與西裝男撐枱腳一事，他表示自己沒看過有關報道：「入嚟之前記者先同我講，食飯好正常啫。（報道爆西裝男負責埋單？）咁呢個真係唔知喎，靚女有人請食飯好正常，係正常社交，我都會同女仔食飯。我諗開工時係公司餐廳請佢吃飯，加加埋埋百幾、二百餐，應該都有三千蚊。(有冇同你講西裝男係邊個？）我真係未睇過報道，大家朋友，都唔會講同邊個食飯。」又問到之前兩人被傳在公司「吵大鑊」驚動高層，鄭衍峰澄清並無此事：「呢個真係冇，正常都唔會係公司嗌交。」

（↓點擊圖片放大↓）

• {{hket:inline-image name="1.jpg"}}{{/hket:inline-image}}
• {{hket:inline-image name="fyy6.jpg"}}{{/hket:inline-image}}
• {{hket:inline-image name="fyy4.jpg"}}{{/hket:inline-image}}
• {{hket:inline-image name="fyy5.jpg"}}{{/hket:inline-image}}
• {{hket:inline-image name="123.jpeg"}}{{/hket:inline-image}}
• {{hket:inline-image name="5452.jpg"}}{{/hket:inline-image}}

另外，最近一集《#後生仔傾吓偈》 以「擘面」為題，主持陸浩明問在場後生仔有否試過與朋友「擘面」，當大家以為馮盈盈在這方面經驗豐富時，她竟然話自己從未試過同人擘面！她指「擘面」意思是「攤晒出嚟講」，而自己本身就不會這樣做，「我態度係有啲乜嘢大家心知肚明就得㗎啦！我係會迴避，唔會同人正面交鋒，唔會同對方明刀明槍打過嗰種，但係雙方知道係乜嘢事就ok啦，做番自己嘢，大家河水不犯井水就好啦！」

{{hket:inline-image name="fyy.png"}}{{/hket:inline-image}}

馮盈盈再三強調從未同人擘過面，更叫大家cap圖為證。她這番言論不禁令網民想起去年她與江嘉敏「富豪船p羅生門」事件，有傳原是閨密的兩人因此事而反目，不過馮盈盈一再否認傳聞。

{{hket:inline-image name="fyy3.png"}}{{/hket:inline-image}}

傳馮盈盈鄭衍峰吵大鑊驚動高層 堅拒認愛致分手:學習孤單生活 【下一頁】