新城市廣場Pop-up店 產品全由本地婦女製作

雖然今年聖誕無得同大班朋友一齊聚餐，但係黛安都想送禮物畀親朋好友。聽公關姊妹講，新城市廣場同香港社會創投基金（SVhk）旗下社會創效項目「合廠」，早前開設咗「Impact Lifestyle Pop-up期間限定店」，同合作夥伴「雅蘭集團」及「晴媽媽手作工房」製作超過40款好物，例如Smiley系列床上用品，及紓緩抗疫精神疲勞嘅精油布香包等。店內產品全部出自本地婦女雙手，全數收益將會支持「合廠」營運以及本地媽媽發展，shopping之餘又可以做善事，一舉兩得！