馮盈盈在新一集《#後生仔傾吓偈》又有料爆，節目原本題目是討論男女之間有沒有純友誼，不過，到盈盈發表見解時，佢跳到自己的拍劇經歷，大爆前輩教路「戲假情真」，「前輩同我分享，話演戲，戲假情真係其中一個技巧，有啲演員為求做好一場對手戲，令情侶感情線比較逼真，就算Off Cam鏡頭以外都不斷培養感情，如果唔係就做唔到鏡頭前好Close好Sweet嘅感覺。同埋佢哋覺得係必需要嘅，入戲嘅方法就係愛上對方！」
盈盈正拍攝新劇《智能愛(AI)人》，與陸永有感情線，同場緋聞男友鄭衍峰忍不住問「咁你近排有冇愛上陸永呀？」，盈盈反應好快「咁又未係，我就係未去到呢個境界，或者我唔識啦！」
盈盈大爆前輩演員鏡頭前後均投入真感情以「入戲」。(網上截圖)
話自己未去到感情「跳出跳入」嘅境界。(網上截圖)
拍感情戲要學習抽離。(網上截圖)
主持之一的林穎彤即高呼「咁煞科嗰日同佢講分手係點？」，盈盈就話「佢真係抽離到喎，前輩喺呢方面係專家，喺拍戲四個月入面全程投入。煞科日佢唔需要人幫佢抽離，嗰個前輩話『我而家抽離喇，拜拜』，真係自出自入！」，陸浩明笑言「咁都幾好，大家清清楚楚嘛。」
盈盈最後總結，拍劇是「愛一個、上一課」。
【#後生仔傾吓偈】馮盈盈開腔講雙面人意有所指？ 網友指擺明暗寸昔日姊妹江嘉敏 【下一頁】
陸浩明好想知邊個係專家前輩。(網上截圖)
（左二)林穎彤好奇點樣可以隨時抽離感情。(網上截圖)
盈盈口中前輩高人係邊個？(馮盈盈IG)
盈盈在節目中未肯透露所指「前輩」是誰，大家可從她拍過的劇集中大膽猜測一下。有《反黑路人甲》的王浩信、張振朗，《白色強人》的馬國明、郭晉安 ; 至於對手戲最激烈一次，是與張頴康在《解決師》的濕身場面，還有《逆天奇案》 的陳展鵬。
《反黑路人甲》同王浩信、張振朗合作。(馮盈盈IG)
同張永頴喺《解決師》有激烈親熱戲，有冇戲假情真先？(電視截圖)
參與《白色強人》首次與馬國明合作。(東星娛樂)
撰文︰衛紫敏
集體回帶︳整容三嬌Freeze成功轉型 兩隊友成人妻40歲甄詠珊急求脫單 【下一頁】