張智霖（Chilam）作客最新一集《Tiger's Talk》，大談減壓方法。起初他只是「做吓樣」講自己靠寫字、畫畫等高尚喜好減壓，伍詠薇和林盛斌（Bob）兩位主持當然不收貨，追問之下Chilam才透露自己有鋪麻雀癮。伍姑娘遂大爆Chilam的牌友都是其車友。
《Tiger's Talk》陳瀅踢爆被方力申用屎橋追求 訪問頻頻搞曖昧 唐詩詠出手撮合【下一頁】
他和家人都非常喜歡打牌。（《Tiger's Talk》節目截圖）
Chilam小時候受家人影響，非常喜歡打牌，小學放學後要強拉姐姐陪他解癮。他覺得打麻雀可以令自己專注在牌局中，不用顧慮現實發生的事情，但就被伍姑娘踢爆是因為他常常贏錢，心情靚才能減壓。Bob笑指Chilam將自己的壓力發洩到朋友身上，「你贏晒佢哋啲錢，嗰幾個就梗係好大壓力啦！」伍姑娘詠馬上反駁指要視乎對手，更大爆Chilam的牌友是天王郭富城及名牌時裝老闆、邱淑貞老公沈嘉偉。在旁的黃宗澤立刻「加把口」：「所以佢哋唔打（賭）錢，打車！一番一條軨！」
張智霖袁詠儀被野生捕獲好親民 鬚根初哥哥面腫腫驚變曹永廉【下一頁】
Chilam覺得打麻雀可以減壓。（《Tiger's Talk》節目截圖）
大家都認為Chilam、郭富城、沈嘉偉等人打牌會打好大。（《Tiger's Talk》節目截圖）
黃宗澤插嘴︰「佢哋唔賭錢㗎，打車！一番一條軨！」（《Tiger's Talk》節目截圖）
張智霖、郭富城和沈嘉偉有個車友圈，經常一齊打牌。（張智霖IG）
【傳無綫翻拍《十月初五的月光》】何依婷接棒佘詩曼演君好2.0 男主角初哥哥由邊個演？【下一頁】
和城中富豪打牌，相信賭本都一定不少，Bob就追問Chilam打得有多大，後者只說：「幾細都會打㗎！」Bob當然要「打爛沙盆璺到底」，Chilam緊張到要飲水，最後只肯透露是「一餐飯」、「食吓拉麵」的價錢，令眾人只能尷尬笑指「食一餐飯可能幾百萬。」
Chilam說就是因為經常一起打牌，所以不能打得太大，「唔係拚命咁打，（有冇六位數字？）冇、冇，（十萬、廿萬？）唔係唔係，（幾千幾千？）千零蚊咁啦！」呢個時候，伍姑娘要爆喇！控訴他撒下彌天大謊，「我唔識打麻雀都知唔會千零蚊上落啦！」
「幾細都會打㗎！」（《Tiger's Talk》節目截圖）
眾人笑指「食一餐飯可能幾百萬」。（《Tiger's Talk》節目截圖）
伍詠薇即刻起身直呼：「我唔識打麻雀都知唔會千零蚊上落啦！」（《Tiger's Talk》節目截圖）
不只打麻將，Chilam打桌球亦好了得，他十分謙虛，指自己不夠梁漢文、陶大宇、范振鋒等人厲害，所以只會跟實力相近的人打，例如苗僑偉，眾人又起哄大笑，「即係話三哥渣啫！」他指自己多數輸給三哥，「點解呢，原來三哥話佢以前做過木工，所以佢計啲角度好準，計嘢好叻。」
【40年兄弟情】黃日華太太離世後失落無助 感激苗僑偉開解扶持：錢都買唔到【下一頁】
好似審犯咁！（《Tiger's Talk》節目截圖）
不知三哥聽到會有何反應！（苗僑偉、戚美珍微博）
最爆的是，Chilam「耍手擰頭」表示家庭不是減壓的良方，原來是因為13歲囝囝魔童步入青春期，突然變得不愛親近父母，「佢已經有自己嘅圈子，係好突然變成咁，突然間噚晚仲攬住一齊瞓，今日就話：『Dont's touch me』。」傷心到爆的他只好翻看舊時的影片，回憶囝囝小時候嘻嘻哈哈的得意樣，不過對囝囝來說，竟是不堪回首的片段，「我同佢講『仔呀，你睇下你以前幾得意』，佢就話『Wow……Delete it』！」
【另類教育】吳鎮宇開Live陪囝囝克服社交焦慮 父子互寸叫對方減肥相處似老友【下一頁】
魔童大個仔了，不再如以往般親近父母。（張智霖IG）
撰文：梁美賢
責任編輯：楊安莉