時代廣場扭蛋樂 過百部機供大小朋友尋寶

好多大人同小朋友都鍾意「扭蛋」，黛安知道，時代廣場同Bandai Gashapon合作打造咗一個Capsule Lab，即日起至明年1月3日，過百部扭蛋機帶來唔同款式嘅扭蛋，好多仲係首次喺香港推出，包括大熱動畫及逼真動物扭蛋系列。

場內分為4大區域，包括動物、動漫、可愛及兒童專區。每個專區都有唔同精選扭蛋，例如蠟筆小新、迪士尼、哈姆太郎等扭蛋系列，部分仲係與日本同步發售或首次喺香港推出㖭！大家喺Capsule Lab仲可一探扭蛋機嘅發展同構造，真係好玩又可長知識。