湯洛雯（靚湯）自從「認愛」，承認跟馬國明拍拖之後，越來越紅粉緋緋。今日她出席公開活動，接受訪問談到男朋友時，難掩幸福笑容。
對於近日有傳馬國明求婚成功，明年二人將會拉埋天窗，報道更指靚湯的父母為兩人購入馬鞍山一個單位作為嫁妝，靚湯表示：「冇結婚、冇求婚呢件事，我哋只係拍咗幾個月拖，未咁快去到結婚。我哋有共識，當日畀傳媒影到出街，我都有認拍拖，所以將來若果結婚，一定唔會隱瞞。」二人希望可以有正常人的拍拖生活。
【男神結婚了？】被傳求婚成功明年娶湯洛雯 馬國明：「之前都有傾過吓...」【下一頁】
湯洛雯獲邀出席腕錶活動。（東星娛樂）
丁子朗一直視靚湯為「女神」，今次兩人拍住上出席活動。（東星娛樂）
問到會否閃婚？靚湯表示大家應該要問馬國明，因求婚是男方主動。她重申現時跟馬國明相處舒服，慢慢了解大家的生活方式，會循序漸進，「我唔會閃婚，要經歷過先知大家適唔適合對方（先同居了解？），我同父母一齊住，如果佢唔介意嘅話，大家拜會吓雙方屋企先，順其自然啦！」至於馬鞍山豪宅，靚湯澄清是她跟家人夾份購入，跟馬國明完全無關。
【安心偷食】黃心穎曾傳《堅離地》有望解封 今消息指無綫無力挽救提早解約【下一頁】
靚湯同馬國明拍拖，全城叫好。（湯洛雯IG）
靚湯風騷甜蜜，不過近日就畀傳媒發現她與黃心穎竟然互相取消關注對方IG，兩姊妹是馬國明的新歡舊愛，莫非……為仔反目？靚湯解釋時稱不知情，「我follow咗就唔會再去掂，所以我都唔知點解，係你哋同我講先知。（大家唔係朋友？）我唔會話大家唔係朋友，佢去咗美國之後係少咗聯絡，中間有傾過偈，但最近大家都忙，少聯絡。」
好姊妹反目？IG互相unfollow！（黃心穎IG）
黃心穎跟靚湯是同屆香港小姐競選的佳麗，前者亞軍，後者則三甲不入。兩姊妹感情非常好，在「安心偷食」事件發生前，她們經常出雙入對，又會為對方慶祝生日。有一次黃心穎的生日會上，靚湯更直接用手摸著其胸部拍照，認真鬼馬。可惜今日姊妹情不再，加上有消息指黃心穎遭TVB解約棄用，相信二人在TVB見面的機會都非常之少。
《丫鬟大聯盟》入面，佢哋感情好好呀！（東星娛樂）
成日攬埋一齊，可惜此情不再。（東星娛樂）
責任編輯：楊安莉