馬貫東在《那些我愛過的人》中飾演亞氏保加症醫生古希晨，大讚好評，人氣急升的他可謂劇接劇，而且網友都推他希望在台慶頒獎禮獲得「飛躍進步男演員」獎。11月8日是他的34歲生日，《愛回家之開心速遞》的好友周嘉洛、阮政峰等為他賀壽。
昨日他在IG上載慶祝的照片，簡單又快樂，留言搞爛Gag︰「每年吹完生日蛋糕支蠟燭，就好似大咗一歲咁，你哋有冇呢個感覺？」其實小編認知生日就梗係大一歲啦，阿東……請勿放棄治療呀！
【否認同居】馬貫東現任女友係朱敏瀚前度 「想結婚不過搏殺事業先」【下一頁】
生日快樂！(圖片：馬貫東IG）
好似好浪漫咁，唔知係咪同女朋友慶祝呢？(圖片：馬貫東IG）
因為拍劇跟連詩雅、陳自瑤成為好友。(圖片：馬貫東IG）
雖然網友熱烈洗版要求阿東飾演的「秦博思」再次回歸《愛回家之開心速遞》，可惜暫時仍未見有有關安排，反而在節目《香港原味道》見到他。原來他近月榮升湯包店《BOWL樂湯》的老闆，跟藥材店的老友合作推出多款健康湯包。阿東直言有感香港人平日工作繁忙，湯水補充是非常重要，所以將煲湯的程序簡化，希望人人都可以每日飲靚湯，保持健康。
（圖片：《香港原味道》電視截圖）
（圖片：《香港原味道》電視截圖）
（圖片：《香港原味道》電視截圖）
（圖片：《香港原味道》電視截圖）
阿東接受《晴報》電話訪問，透露今次生意投資六位數字，過往都有送湯包給《愛回家》、《那些我愛過的人》的演員同事試飲，他說：「佢哋第一句都會非常好奇咁問，唔加肉係咪會夠味？我都係答佢：『你信我啦！』，因為我哋設計湯包出嚟，就係希望方便用家唔使特登落街市買嚿肉去燉，因為我哋用咗好多元貝、螺頭去吊味，所以唔需要加任何材料。之後佢哋試過都好滿意，話真係好夠味，有啲同事仲成為我嘅長期客戶，哈哈！」
【那些我愛過的人】馬貫東認跟古希晨個性相近 讀書時受欺凌啞忍令個性沉默寡言【下一頁】
（圖片：《香港原味道》電視截圖）
(圖片：馬貫東IG）
其實阿東曾經都搞過生意，可惜損手離場，問到為何儲夠勇氣再試？「其實都唔會驚嘅，失敗過、沉澱過，喺有機會嘅時候再出發。當時會覺得失敗，而家睇番轉頭，其實係一個好好嘅經驗。因為有咗呢份經驗，對而家做『BOWL樂湯』非常有幫助。加上同拍檔計劃過，知道市場需求，有方向、有共識先至拍板落實去做，大家都會喺自己嘅專長上分擔工作。我哋好樂在其中，而家生意額都符合預期進度。(疫市開店冇壓力？)有危就有機，只要靈活多變，針對番市場情況就會有機會，就好似而家有好多外賣Apps一樣，喺疫市期間營運得非常成功。」
賺錢之餘，阿東不忘行善，「BOWL樂湯」定期派發口罩給露宿者或老人院的長者，希望每人在疫情下都得到足夠保護。他每次都會身體力行，分批裝好口罩到街頭派發，認真乖仔。他預告湯包會到不同區域宣傳，自己不定時落攤位幫手，大家想見「秦博思」或者馬貫東，都可以去探班㗎！
（圖片：受訪者提供）
（圖片：受訪者提供）
（圖片：受訪者提供）
(圖片：馬貫東IG）
責任編輯：楊安莉