《使徒行者3》在內地和myTV Gold播放完畢，昨晚終於在翡翠台播出，首集相信觀眾都捧腹大笑，因為麥美恩飾演的臥底朱倩為了拯救兩位台灣女模特兒，用唔鹹唔淡嘅「譚仔話」混入賣淫集團，遇上兩位愛玩SM的嫖客Did同Done（陸永和C君飾）。在夜總會的一幕，朱倩不被客人看上，竟出絕招以冰桶兜頭淋自己，最終Did同Done看上她夠「放」！
三人一齊上房，妙語連珠，兩男著朱倩出手SM他們，搞笑地說：「其實我哋嘅夢想係畀Do女王瘋狂鞭打，頭先你嗰種恐怖……好似佢（Do女王，夾埋你哋咪Do、Did、Done？），你呢種自以為幽默嘅行為，都好似佢，求吓你吖，用力鞭打我哋，你一路鞭，一路嗌垃圾！」
《使徒行者3》首播爆Seed車禍翻車四周半 釘姐閃現都不及癲喪麥美恩搶鏡【下一頁】
「你明明話我好似Angelababy呀！」麥美恩飾演朱倩，真係好自信。(圖片：《使徒行者3》電視截圖)
朱倩係爆Seed（林峯飾）的下屬。(圖片：《使徒行者3》電視截圖)
遇上農夫呢兩位嫖客。(圖片：《使徒行者3》電視截圖)
朱倩自淋全身濕，成功埋身。(圖片：《使徒行者3》電視截圖)
農夫將對「Do女王」的愛意表達出口。(圖片：《使徒行者3》電視截圖)
雖然Do姐鄭裕玲並沒有參與劇集的演出，不過今次對白瘋狂抽她水。而麥美恩、農夫的C君和江美儀昨晚在big big channel開住直播同網友一齊睇首播，對於這一段劇情，有網友問C君算不算擺Do姐上枱？他大膽說：「梗係算啦，直情係擺咗Do姐上枱啦，叫Do姐搵番監製蘇萬聰……我一直都話唔好咁……」問到是否「爆肚」演出，C君解釋收到的劇本「基本上是接近沒有對白」，不算爆肚，是他跟陸永即場度橋度出來。麥美恩則說：「夜總會玩猜圍枚嗰幕，係佢哋兩個現場度。」C君直言以前去蒲經常有這種玩法，自己常常「中招」，極度討厭這些不停添加的規則，所以特別加入劇情中。
《使徒行者3》拍攝花絮驚見「樂少」周柏豪蹤影 開工一個月疑戲份全被刪走【下一頁】
（左起）麥美恩、Ｃ君和江美儀一齊食飯睇首播。(圖片：big big channel影片截圖)
朱倩出場，讓嫖客「睇版」時……(圖片：《使徒行者3》電視截圖)
寸爆問：「你個場冇人類喇咩？」擺明寸朱倩質素不好。(圖片：《使徒行者3》電視截圖)
C君笑言呢場瞓覺戲瞓足一個鐘，一瞓就瞓到大結局。(圖片：《使徒行者3》電視截圖)
Do姐會唔會嬲呀？(圖片：東星娛樂)
農夫同Do姐合作無間。(圖片：東星娛樂)
麥美恩的演繹獲網友大讚非常突出，她表示當日拍攝夜總會一場，淋的的確是冰水，道具組為了加強效果用上大量冰塊。C君、江美儀認為可以用暖水，但麥美恩為求逼真決定「打真軍」，結果淋足兩次。麥美恩大讚跟林峯合作非常有福氣，事關對方好靚仔。
而在TVB發放天台拍攝的花絮片中，麥美恩難得跟林峯同場，她攬實對方不放，林峯說：「其實又唔使攬咁實嘅……」她又隔空飛吻林峯，認真搞笑。
(圖片：麥美恩IG）
淋冰水。(圖片：《使徒行者3》電視截圖)
麥美恩癡漢上身。(圖片：麥美恩IG）
(圖片：麥美恩IG）
責任編輯：楊安莉