張繼聰同演員白只相識多年，今日係老友40歲生日，阿聰於IG上載一張21年前舊照祝老友生日快樂。睇留張相阿聰仲係好瘦，加上個髮型，都知張相有一定「歷史」。網友話第一眼認唔到阿聰，又有人話21年前佢哋有mk味，有人仲話認錯阿聰做鄧兆尊。
阿聰而家好健碩。(圖片：東星娛樂)
(圖片：張繼聰IG)
阿聰留言指，因為白只無用IG嘅關係，所以tag埋老友女朋友顏卓靈：「19歲生日快樂！身體健康，路路暢通，青春常駐！Love ya bro！」之後又hashtag讚白只真係keep到，個樣冇變過。阿聰自嘲自己keep唔到，因為「進步咗」，由昔日瘦猛猛嘅小伙子搖身一變成為大隻魁梧，網民大讚佢而家man好多，越老越型。
曬21年前舊相「出賣」兄弟。(圖片：張繼聰IG)
阿聰同白只相識多年。(圖片：東星娛樂)
有網友留言指，阿聰相中身穿啡色格仔衫好懷舊：「啡色格仔配襯 ，是19歲的味道」有人笑指19歲的他mk味甚濃，「乜嘢料呀，你哋睇開邊個場㗎」、「古wet仔之mk激鬥篇？」亦有唔少人指第一眼睇錯咗佢做鄧兆尊：「立下眼好似鄧兆尊」、「第一眼以為鄧兆尊」。
(圖片：張繼聰IG)
(圖片：東星娛樂)
其實疑似撞樣事件都唔係第一次發生喺阿聰身上，上年佢喺IG開post話搵到「世界上另一個我」，「間唔時有人send相畀我，話阿邊個同我好似樣，基本上，大家只係一樣有鬚。但係今日收到呢張相，我就嚇一跳！ 因為完全冇印象影過呢張相，但係我都覺得呢個係我嚟！我而家成個人亂晒！#世界上另一個我 or #我係世界上另一個佢」驟眼睇，呢位爆炸頭男人真係同阿聰好似，仲要經過本人「認證」！
驟眼睇，佢真係同阿聰好似樣。(圖片：張繼聰IG)
到底「世界上另一個張繼聰」真身係邊個？原來係31歲日本演員賀來賢人，女演員榮倉奈奈的丈夫，過往曾參演日劇《Q10》、《體操男孩》、《無敵律師》等劇集。當時阿聰分享嘅相片其實係賀來賢人喺《上京痞子田中》嘅造型。
(圖片：賀來賢人IG)
撰文：林惠珊
責任編輯：楊安莉