苑瓊丹為《開工大吉77》擔任了一年主持，而昨日（22日）就為節目進行煞科錄影，特別安排與老友記曹查理、吳浣儀、劉錫賢聚首燒烤場，暢談近況話當年，為觀眾帶來一個另類的「BBQ大團圓結局」。苑仔分享，為保持新鮮感，曾不斷與製作組修改拍攝方案：「但冇諗到最傳統嘅訪問係最受歡迎，大概係觀眾對藝人有感情分，對一啲好耐冇喺幕前演出嘅藝人特別有好奇心。多謝大家幫忙、畀面。其實我最怕訪問人、問嘉賓們秘密！」
{{hket:inline-image name="aaa91365-6606-4126-b829-39f295279921.JPG"}}{{/hket:inline-image}}
（東星娛樂）
曹查理分享當年去到韓國，拍攝由李翰祥執導嘅作品，戲中搵嚟一班有選美佳麗面試：「啲阿媽帶啲女嚟，然後啲女仔剝晒衫畀我睇，睇咗二、三十個女仔，個個都好靚！」，曹查理飾演淫賤皇帝，佳麗們飾演宮女，個個唔著衫，不過佢就話戲外冇「收穫」，「當地得攝氏零下十幾度，自己都凍到縮埋啦！」，佢話好懷念當時嘅日子，依家叫佢拍佢都制！
（東星娛樂）
苑仔分享兩人合作的趣事：「有次同佢出席潮州一個活動，見佢夜晚晚都戴黑超，一除眼鏡就見到佢個黑眼圈，牙又甩咗隻，原來佢之前做騷碌咗落台。」，曹查理解釋「搵食艱難」，人哋畀咗錢，病咗都一定要去。
（東星娛樂）
當時二人坐了4個半鐘車程去潮州，曹查理全程講鬼故，講到遭男鬼上身的經歷：「當時屋企人話我變咗第二個人，仲話要報警，但警察嚟到我就冇事，之後我喺十字街口用紙船送『佢』走。（點樣惹返嚟？）真係唔知！我嗰日晏晝去睇醫生，好凍，著咗好多衫， Chilam（外甥張智霖）見到我，問我點解拖住咗個男人，但明明我係拖住太太，先知道出咗事！」
Chilam「救番」曹查理命仔！（網上圖片）
（東星娛樂）
曹查理「鹹濕」形象深入民心，曾經同旅行社合辦旅行團，帶團友到日本與AV女星見面 ; 當年特意在酒店舉辦報名會，又登報紙賣廣告，吸引大批人前來：「人山人海，一個人嚟報十個人嘅名，一團只可以帶5個人，要分兩批！」。
（東星娛樂）
點知政府旅遊局派人嚟警告，旅行社幾乎被釘牌：「有幾個著西裝嘅人同我講，『而家警告你曹生，你係非法賣淫，唔係帶人去旅行，係帶人去揾女人』。」，還好曹查理冇收酬勞先平安無事，苑仔聞言即笑老友拍三級片實在太深入民心！
撰文：黃蘊姿