阮兆祥及黎耀祥共同主持清談節目《雙祥見》，最新一集二人分享拍食飯戲時嘅趣事，以及大家心目中嘅圈中女神。
道具餸唔食得？
阮兆祥憶起拍《皆大歡喜》時期經常要拍食飯戲，通常一圍有7-8個人，每次都要準備8個餸，後來發現經常吃不完，所以製作組便改為4個真餸、4個假餸。此後每次拍食飯戲都有龍蝦這味餸，但龍蝦永遠夾不起。
（大會提供）
阮兆祥又指拍戲期間為咗接對白但又唔想滿口白飯，更向謝天華學了其中一招—捧住空碗扮扒飯，到接對白時扮吞飯，仲即場示範，場面搞笑。
（大會提供）
發哥愛食道具飯
黎耀祥講起以前聽聞發哥周潤發愛食道具飯，於是就流傳食得多道具飯就會走紅嘅傳說。佢指拍戲時間長，大家等開機就偷食道具飯，但顧及道具飯需連戲，所以會夾起表面嘅餸睇吓有咩係可以食，例如雞件只食剩雞皮。
（《真情》截圖）
阮兆祥就大爆當年拍《真情》時觀眾經常見到嘅燒味場景表面上很正常，實際上已被李司棋同一眾演員撕晒裏面嘅肉，只剩下表皮同外殼。
（《真情》截圖）
（《真情》截圖）
談及二人心目中女神，黎耀祥透露自己嘅第一位女神是米雪， 早喺自己中學階段就被米雪《射雕英雄傳》內飾演嘅黃蓉吸引，更讚佢保養得宜，到現在依然天然漂亮。而阮兆祥則表示小學時已經出現佢嘅第一位女神，當時被《狂潮》中嘅狄波拉吸引：「我覺得佢好性感，但又唔係嗰種着好少衫嘅性感，係眉頭眼額嗰種，真係好有吸引力。」
（網上圖片）
阮兆祥直認自己花心，進入青春期就被當年風靡萬千少男嘅趙雅芝迷倒，因為覺得佢嘅古裝打扮好靚，黎耀祥聞言大感讚同：「尤其係佢做《倚天屠龍記》嗰時，佢做周芷若，嗰種溫柔﹑婉弱到楚楚可憐。」阮兆祥形容趙雅芝喚醒男生嘅保護慾，希望自己可以保護呢位柔弱嘅少女。佢表示因為當年非常仰慕趙雅芝，更會將女神嘅雜誌封面用透明膠紙包好並夾喺英文書內。
黎耀祥講起趙雅芝都忍唔住要講句「叔叔抱抱」！（大會提供）
黎耀祥就指當年自己另一位女神係汪明荃，當年阿姐於《家變》中飾女強人洛琳一角風頭一時無兩，更掀起「洛琳頭」的風潮，有好一段日子整個中環區的女人都是恤這個髮型，非常誇張。
「洛琳頭」而家睇都一樣咁Trendy！（網上圖片）
臨節目結束之前，黎耀祥未知係咪怕太太呷醋，最後都公開補返句：「最聽老婆話！」
（大會提供）