新冠肺炎疫情影響下，香港國泰航空（Cathay Pacific）公布集團全球削減8500個職位，而國泰旗下擁有35年歷史嘅國泰港龍航空更即時結業。國泰稱將裁減約5300名以香港為基地嘅員工，同時將尋求由國泰本部以及旗下廉價航空分支香港快運（HK Express）接手港龍航線，國泰港龍航空正式「走進歷史」。
（鍾沛枝IG）
由於事出突然，唔少員工都表示難以接受，「一覺瞓醒成間公司消失」，心情非常沉重。曾經任職國泰航空地勤兼形象大使嘅前港姐鍾沛枝，噚日亦有出Post「悼念」舊東家：「不經不覺已離開國泰航空接近10年了，感謝您CX, 豐富了我的人生🦋。」
（鍾沛枝IG）
空姐一直係唔少人趨之若騖嘅職業，仲有一個「都市傳說」指擔任該職位的其中一個條件就係外貌要娟好，而香港更有唔少藝人喺加入娛樂圈前，都曾經任職空中服務員！
1.趙雅芝
1973年，中五畢業幾年的趙雅芝，參選TVB首屆舉辦的《香港小姐競選》並獲得第四名，之後為入行辭去日本航空公司空姐一職。
（網上圖片）
2.譚小環
譚小環曾在國泰航空擔任空姐。後來1994年參選港姐並奪得冠軍，之後加入無綫開展演藝生涯。
3.吳海昕
吳海昕畢業後曾經任職國泰航空空姐，之後參選2014年港姐，在比賽期間一直被視為冠軍大熱，可惜最後三甲不入。今年因為於ViuTV劇集《二月廿九》，演出Yeesa一角而備受關注。
（網上圖片）
4.陸詩韻
2005年港姐亞軍陸詩韻，加入娛樂圈前做過四年空姐，分別服務過三年韓國航空公司及一年英國航空公司。
5.陳倩揚
2008年香港小姐亞軍陳倩揚，精通日語，入行前曾任職國泰航空空姐。
6.劉佩玥
2013年港姐季軍劉佩玥，自言做空姐令佢增廣見聞，一定程度成為佢日後參選港姐嘅動力。
7.李旻芳
「東張女神」李旻芳，參加《2012年度香港小姐競選》首輪面試前，曾是空中服務員，2013年入讀第26期無綫電視藝員訓練班。
（李旻芳Facebook）
8.郭羨妮
郭羨妮大學畢業，後加入國泰航空當空姐。1999年參加港姐競選，以大熱姿態獲得冠軍、「最上鏡小姐」、「國際親善小姐」和「千禧才智小姐」獎項。翌年在《國際華裔小姐競選》中，亦以大熱姿態取得冠軍。
（網上圖片）
9.朱智賢
朱智賢曾是國泰、港龍空姐，2013年參選港姐，20強止步，入行成為無綫藝人。
（網上圖片）
10.黃智雯
黃智雯就讀香港演藝學院，取得舞蹈及戲劇系表演藝術文憑，後於國泰航空做過3年空姐，2007年參加《香港小姐競選》打入最後五強。
（東星娛樂）
11.李若彤
「最美小龍女」李若彤讀到中六之後，放棄繼續升學，1986年於國泰航空任職空中服務員，後被星探發掘拍廣告，輾轉加入娛樂圈。
（東星娛樂）
12.林淑敏
「大小姐」林淑敏於多倫多大學修讀電影研究，1999年畢業。之後做過電視台及製作公司的製作助理、副導演，後來又做咗7個月空組 ; 再以選港姐為跳板，加入TVB。
（東星娛樂）
13.蔡明思
Jessica@Super Girls（蔡明思）曾任空姐，就讀於美國艾德蒙社區學院，文學副學士畢業。
（Jessica IG）
14.蘇玉華
蘇玉華中七畢業，後於國泰航空任空姐9個月，當時覺得該工種並不符自己性格、個性，於是報讀演藝學院，畢業入行做演員。
（東星娛樂）
15.羅霖
「美魔女」羅霖中學畢業，修讀了一年秘書課程，之後到國泰航空做空姐6年，直至1991年參加《亞洲小姐競選》，勇奪冠軍加入娛樂圈。
（東星娛樂）
撰文：黃蘊姿