楊秀惠今年4月在馬來西亞秘密產女後，一直留在當地相夫教女，不過早前她原來靜悄悄地帶同約半歲大囡囡返港，昨晚更為好姊妹Jennifer補祝生日兼慶祝她即將結婚。楊秀惠接受《晴報》電話訪問，雖然今次未有機會跟Jennifer的未婚夫見面，但就送了一條有紀念價值的手鏈祝賀準新娘；至於Jennifer則希望婚禮低調地舉行，不希望大肆宣揚，她亦強調不會秘婚：「我哋依家仲未簽紙結婚㗎！」
相關新聞：【搞網店5年賺1億】楊秀惠教創業被網民鬧阻人搵錢 無懼抨擊照拍片霸氣回應
（IG圖片）
（IG圖片）
本月9日是Jennifer的32歲生日，適逢日前被踢爆與圈外男友張嘉俊（Kelvin）已入紙申請註冊結婚，所以這位準新娘連日來都不停出席慶祝派對。日前，一班好姊妹包括朱千雪、湯洛雯及張嘉兒等，為Jennifer舉行生日派對兼bridal shower，被一班姊妹感動得熱淚盈眶的Jennifer，開心地說自己擁有福氣及被愛，又感謝好姊妹在她的人生中出現，場面感人。
（IG截圖）
（IG截圖）
昨晚，另一位好姊妹楊秀惠亦專程為Jennifer送上祝福，久未露面的楊秀惠雖然已誕下一女，但身形依然纖瘦，她在社交網上載跟Jennifer慶祝的合照，兩人頭貼頭兼擺出心心手勢，而Jennifer右手無名指則戴上巨鑽婚戒，認真閃爆！秀惠留言：「終於能見面啦！所有的祝福終於能親自送上！」而Jennifer亦在IG留言：「看看誰回來？我哋終於唔需要再用FaceTime！終於可以見到大家。Look who is back！多謝妳所有的暖意，我知道一直都會守護着。」Jennifer事後在IG限時動態貼上一個紅色的Cartier紙袋，相信便是秀惠送上的賀禮。
（IG圖片）
（IG截圖）
楊秀惠接受本報電話訪問，已經返港一個月的她表示：「因為本身公司有好多嘢需要處理，而Jennifer咁啱呢段時間生日，加上佢公布結婚，終於可以親身去祝賀佢，大家久別重逢，傾得好開心。」問她送了甚麼禮物給Jennifer？秀惠透露：「由於係結婚禮物，好想揀一份有紀念價值的，所以揀咗條手鍊，不過今次見面未有機會見佢未婚夫。」秀惠亦透露今次帶同囡囡返港，由於要照顧女兒，又帶同很多行李，過關檢疫期間十分狼狽，幸好獲得機場工作人員幫忙，秀惠感激謂：「機場工作人員好好，佢哋好幫手，好專業亦好體諒，幫咗我好大忙，得以順利完成，所以真係好多謝佢哋。」
（IG圖片）
（IG圖片）
至於Jennifer亦很開心秀惠可以回港和自己慶祝，她表示：「真係好開心呀，無諗過佢咁快可以返嚟，以為佢會一直喺馬來西亞一段時間，平時我哋都係用FaceTime聯絡，所以一知道佢返嚟都好開心。好多謝佢送咗條好靚同好有意義嘅手鍊畀我，知道佢花咗好多心機同心意，真係好多謝佢。」至於是否已開始籌備婚禮？Jennifer透露受疫情影響，婚禮很多細節仍有待商討，亦希望婚禮能夠低調地舉行：「喺香港結婚都好難偷偷地，但我哋都希望低調地處理，唔想特別大肆宣揚，依家我哋暫時仲未簽紙結婚，仲係分開住。」
（IG截圖）
Jennifer的擬結婚通知書被公開，以至未婚夫Kelvin的中英文名外洩，就連他今年35歲及家住中半山豪宅都被「起底」，岑杏賢坦言避無可避，她說：「喺香港結婚，法律方面係要公開呢啲資料，我哋都接受咗呢樣嘢。」
撰文：倪小珊