【絕世好奶奶】離婚後與兩女繼續住夫家 港媽感激老爺奶奶照顧重新振作 「我點捨得令佢哋傷心」

人與人之間的關係，有時並非以血緣來定奪。一名兩孩港媽近日在網上發帖，指自己一家四口原與老爺奶奶同住，但後來與前夫感情生變離婚，對方離家拋下她們三母女於夫家。所幸老爺奶奶不但沒有趕她們走，而且更處處關懷備至，始令她得以重新振作：「我點捨得令佢哋傷心？」

該名港媽在Facebook群組「同住奶奶好惡頂自由討論區」發出多篇帖文，向同住的老爺奶奶公開表達謝意。她表示，奶奶現年60多歲，早在自己與前夫拍拖時，對方已經對她好好；至2011到12月結婚時，對方與老爺也沒要求多多，更處處幫忙她與前夫，對她愛屋及烏。

奶奶陪月照顧2孫女，包辦家務從無怨言，新抱感激：超級天使奶奶，詳情即睇：【下一頁】

婚後，她遷入夫家與老爺奶奶同住，兩老也不會要求她做太多家務。至16年她懷了大女，奶奶開心得主動照顧懷孕的她、幫忙坐月兼湊B，「大女好鬼曳㗎。一路陀一路嘔，我就好多時間留喺屋企無再周圍去。三餐飯來張口又生果又甜品。食得落咩，講一聲就有。好幸福。」

其後她再誕下二女，一家四口與老爺奶奶樂也融融。可惜好景不常，她與前夫近兩年感情出現問題，至今年對方更直接搬走，

「掉底咗我哋三母女喺度。老爺奶奶都無趕我哋走，仲照顧晒所有家務，整好晒食物。喺屋企一定唔會餓親。好老實，如果自己係人媽媽點會做到咁？」

她直言自己好自私，一方面想老爺奶奶幫忙照顧小朋友，好讓她可以外出工作，另一方面又不想繼續留在前夫長大的地方，「沒有一手一腳照顧兩個寶貝再工作的能力，只能依賴別人照顧，呢樣亦係我失敗嘅地方。」

她又坦言「人無完美」，老爺奶奶當然也有令她不滿的地方，「只不過我係選擇有啲事隻眼開隻眼閉。大家好好相處。」而且，她其實也曾與老爺奶奶嘈交，但「嘈過喊過」，老爺奶奶都會向她道歉，叫她不要離開，

「咁樣嘅人，我點捨得令佢哋傷心？好多時自己委屈就喺街，喺商場搵個廁所大喊特喊。之後變返開心嘅我回家面對小朋友面對老爺奶奶。」

29歲女生第三胎用力過度中風癱瘓，奶奶照顧陪復健擔起湊3孫重責，詳情即睇：【下一頁】

她表示之所以想分享與老爺奶奶的生活點滴，是希望「有多一點嘅愛喺世界上」，而且更希望可以獲得正能量，「近排嘅我發現有時候情緒好低落，少少事都令我好大感慨。有少少撐唔到嘅感覺。所以想喺網上世界抒發吓。」雖然感到捱不住，

「但想想自己兩個小朋友，兩個沒有血緣的老人家，我爸媽妹妹有血緣的一家。都支持住（我）就會比較舒緩。原來有時做人好攰。但見到咁多人愛我係會重新得到力量。」

每朝索取《晴報》：精明生活．健康家庭．開心娛樂

責任編輯︰李凱晴