張頴康近日忙於拍攝新劇《換命真相》，當演員拍劇要捱更抵夜，加上趕戲或者投入角色壓力非常之大，絕對不容易，阿康20多歲時因壓力太大，不幸患上銀屑病。張頴康近日接受鄭丹瑞主持的網台《健康‧旦》節目訪問，分享自己患上銀屑病的心路歷程。
(圖片：《健康‧旦》YouTube影片截圖)
(圖片：《健康‧旦》YouTube影片截圖)
(圖片：《健康‧旦》YouTube影片截圖)
阿康分享到13年前一起床就整個人不能動彈，連下床都沒辦法，送院檢查卻查不出病因，翌日開始全身起紅疹，過幾日見病情好轉，他就偷走出院。阿康說：「後來開始出皮屑，找皮膚科醫生檢查後確診銀屑病，我覺得個病好乞人憎，醫生畀我嘅藥膏只係啲處理啲皮，但仲有紅印，有時化妝都遮到紅印，但皮就避無可避。後來手指開始變形，原本我學緊古典結他，完全彈唔到，經歷好幾年。」
【父親節快樂】張頴康童年不快渴望有完整家庭 感激太太麥雅緻引領正途【下一頁】
康復後的阿康特別注重健康。(圖片：張頴康Facebook）
阿康稱最擔心是演變成銀屑病關節炎，可能會有關節變形的情況，他說：「我嘗試想離開類固醇藥膏，我有時拍除衫戲，每晚拍完戲成凌晨三、四點先收工，返到屋企仲要逐點逐點去塗藥膏，幾乎天光先有得瞓，好痛苦。另一樣痛苦係，當時囡囡好細個，仲食緊奶嘴，有時佢醒咗奶嘴會跌出嚟，我想幫佢執返，但都唔敢掂個奶嘴，因為我成手都係藥膏。」後來試過口服藥，但作用不大，而且會發生嘴唇乾、面紅，最嚴重是頭髮和鬚開始疏，不得不停藥。
阿康病發時多得太太麥雅緻細心照顧。(圖片：張頴康Facebook）
幸好病情好轉，阿康一家四口幸福無比。(圖片：張頴康Facebook）
阿康最終接受「生物製劑」治療，花一個月時間，打8針全身都已經基本康復，現時維持1個半月打一針，起碼可以維持正常的生活，現時病情已控制9成的病情。
【疫情下開學日】張頴康著睡衣帶小豆返學做書僮 徐榮囝囝出國難捨包包攬到實【下一頁】
皮膚科醫生表示銀屑病是免疫系統出現問題，香港大約1000人中有3人病發，病發年紀約20至50歲，跟情緒、壓力和睡眠不足有關。阿康病發時他同一時間打三份工，除了在無綫拍劇外，收工去配音，放工回家繼續寫配音稿，所以壓力爆煲引發病發。他表示由於銀屑病曾經被命名為「牛皮癣」，令社會誤解是傳染病，但事實上銀屑病是沒有傳染性。阿康說：「做藝人真係好怕畀人知，見我身一撻撻問咩嚟呀，好多人會懷疑到底仲用唔用我好呀？當時搞到我情緒好差，收收埋埋唔想畀人知。有次公司有落水嘅活動，幾位同事就派一個同我講，問我一陣可唔可以唔落水，覺得同一個池我會傳染佢哋咁。」他表示自己主動走出來講自己的病，想分享畀大家知銀屑病不會傳染之餘，亦讓病友知就，能夠解決到外觀問題後，人的心情變得開朗後，有助銀屑病的康復。
阿康的太太是他的精神支柱。(圖片：張頴康Facebook）
責任編輯：楊安莉