《駿步人生》訪問陳南祿 20真言總結成功秘訣

馬會刊物《駿步人生》經常訪問重量級人物，黛安覺得睇訪問都學到唔少嘢，所以每一期都會睇㗎。聽講最新一期嘅封面人物係今年6月接任馬會主席嘅陳南祿先生，佢喺專訪分享佢過去65年嘅人生體驗。

陳主席話年少時曾經行船看世界，歷時4個月，由香港去菲律賓及印尼，之後再去澳洲，從昆士蘭省去墨爾本，回程再經菲律賓及台灣返回香港，非常有趣。佢仲公開自己嘅「私相簿」，帶大家睇相遊世界㖭。

陳主席喺訪問中分享40幾年來嘅商界實戰經驗，包括喺太古、港龍及國泰航空拆彈同度蹺嘅日子，形容處理危機就好似一個醫生，「最好嘅醫生唔係幫你做手術嗰個，而係令你唔使睇醫生嗰一個。」

佢又以20字真言總結成功秘訣︰「老闆英明、同事能幹、夥伴合作、顧客支持、唔關我事」，最後4個字嘅深層意義在於團隊精神，「一個人怎可能懂得處理那麼多事情？必須依靠每一個人出力，才能推動公司到一個好環境上。」黛安睇完專訪都覺得獲益良多。