333小老師培訓計劃獲贈電子學習設備 減基層數碼鴻溝

受疫情影響，學校要改為網上授課，但好多基層小朋友未必有足夠嘅設備。黛安聽公關姊妹講，原來幼吾幼慈善基金嘅「333小老師培訓計劃」，得到香港崇德社Project ABC捐贈電子學習設備，惠及唔少基層學童。

幼吾幼慈善基金主席莊學熹同黛安分享，啱啱過去嘅學年，計劃下846名學生中只有27%學生有個人電子學習設備，所以好感謝香港崇德社同埋中國移動香港，喺新學年初捐出平板電腦、Wi-Fi蛋及網絡數據卡，令逾190名小學生及家庭受惠。香港崇德社會長梁幗平都話，好開心可以為有需要嘅家庭同學生提供電子學習設備，縮減數碼鴻溝對學生嘅負面影響。