【使徒行者】綠葉何俊軒因傷無奈離開TVB 曾到加拿大做DJ 近年北上發展

近日TVB深夜重播《使徒行者》，劇中歡喜哥（許紹雄飾演）有個死敵崇金（張國強飾演），崇金有養子K先生（何俊軒飾演），平時著起西裝，非常有型。事隔6年，原來何俊軒已經離開TVB，大家又知唔知道佢嘅近況？

{{hket:inline-image name="29.png"}}{{/hket:inline-image}}

(《使徒行者》電視截圖)

{{hket:inline-image name="31.png"}}{{/hket:inline-image}}

(《使徒行者》電視截圖)

{{hket:inline-image name="30.png"}}{{/hket:inline-image}}

(《使徒行者》電視截圖)

何俊軒16歲時輟學，曾先後做過廚房、賣生果、電影特約演員、廣告演員，01年佢主動報考藝員訓練班。入行初期，佢曾經忙到4日3夜冇返過屋企，之後幾年佢大多只係飾演無名無姓嘅閒角，一度要做兼職保安維持生計。

後來何俊軒成為「御用警察」，唔少警匪片都見到佢出場。拍攝《飛虎》其中一幕時，何俊軒不慎被打爆左眼下骨，差啲變盲，最後左眼鑲咗兩條鋼片同5粒螺絲。嗰段時間佢要停工療傷，但為咗生活同醫療開支，佢一度死頂開工。休養咗一年，何俊軒終完全康復，獲監製林志華畀機會再喺《飛虎II》演飛虎隊成員。雖然戲份唔多，但原本身形略肥嘅佢為角色勁減20磅，努力鍛鍊成大隻佬。

{{hket:inline-image name="13.png"}}{{/hket:inline-image}}

(何俊軒微博圖片)

{{hket:inline-image name="14.png"}}{{/hket:inline-image}}

(何俊軒微博圖片)

{{hket:inline-image name="17.png"}}{{/hket:inline-image}}

(何俊軒微博圖片)

{{hket:inline-image name="16.png"}}{{/hket:inline-image}}

(何俊軒微博圖片)

入行以來何俊軒一直未有上位機會，佢自認唔靚仔，亦唔年輕，有得演出已經好滿足。可惜，上天未有眷顧何俊軒，就喺佢拍攝《踩過界》時，又再次發生意外。佢十字韌帶斷裂，有8個月時間連搬重嘢、落斜路、快跑都做唔到。佢曾經接受電台訪問講述當時情況：「我向後跌，蔡思貝壓住我，但頂住我隻腳，我上身扭緊，扭斷咗十字韌帶，人生第一次痛到叫人唔好掂我！」佢話醫生同佢講起碼要休息一年，好番都要避免拍動作戲。當時佢出唔到街，由於太耐冇運動，搞到大腿肌肉萎縮，令佢好痛苦。

{{hket:inline-image name="18.png"}}{{/hket:inline-image}}

(何俊軒微博圖片)

{{hket:inline-image name="19.png"}}{{/hket:inline-image}}

(何俊軒微博圖片)

何俊軒推咗好多劇集，最後佢無奈決定離開TVB，暫時終止演員生涯，同老婆移民到加拿大休養，佢曾喺社交平台留言：「打擊好大，可能需要漫長時間去休養同物理治療。」當時佢特別多謝TVB助理副經理（戲劇製作）曾勵珍嘅鼓勵，佢話曾勵珍幫佢跟進保險，又叫佢安心休養，有機會再返嚟繼續開工，令佢好感動。

{{hket:inline-image name="118.png"}}{{/hket:inline-image}}

(TVB娛樂新聞台截圖)

加拿大人生路不熟，好彩何俊軒獲當地中文電台邀請加盟擔任DJ，閒時睇騷，生活寫意。佢曾經接受傳媒訪問，講到明仍希望回流香港同大陸發展：「始終係中國人，都係中國比較適合我。」

{{hket:inline-image name="12.png"}}{{/hket:inline-image}}

(何俊軒微博圖片)

{{hket:inline-image name="11.png"}}{{/hket:inline-image}}

(何俊軒微博圖片)

近年傷勢好番好多嘅何俊軒到大陸以自由身拍劇，佢喺微博大讚大陸可以體驗唔同嘅風土人情、美食同歷史，佢仲表示：「堅定了在此定居的想法。」

{{hket:inline-image name="15.png"}}{{/hket:inline-image}}

(何俊軒抖音影片截圖)

撰文：張芷晴
責任編輯：楊安莉