劇集《反黑路人甲》中，四聯幫蔣家大小姐蔣千霞（賴慰玲飾）跟手下高彬（張振朗飾）有著千絲萬縷的感情瓜葛，無奈的是一黑一白、一尊一卑的前題下，到底愛情能否開花結果呢？賴慰玲今次亮眼的演出獲得不少觀眾的掌聲，她表示見到觀眾的反應非常正面，而且很喜歡她跟張振朗的CP感情線，令她特別開心，她說：「其實成個戲入面，每個人都有好嘅發揮，大家都好投入同齊心去做件開心事，觀眾自然會睇得開心。我同振朗真係一拍即拍玩出默契，好似戲癡咁，一齊去諗點樣再演好啲場戲，就算呢排宣傳見到，仲係回味緊話如果當時點點點就會再好啲咁。」
【流行經典50年】賴慰玲張振朗合唱被Tune到走音 點名想同《愛回家》邊個男星合作？【下一頁】
在劇中兩人火花連場，非常搶鏡。(圖片：賴慰玲IG )
被形容為劇中「神鵰俠侶」，認真威水！(圖片：賴慰玲IG )
賴慰玲認跟張振朗都是戲癡。(圖片：張振朗IG )
賴慰玲視演戲是終身事業。(圖片：《晴報》楊嘉傑攝影）
34歲的賴慰玲演藝學院出身，曾經迷戀劇集《天幕下的戀人》而當上商場客戶服務員，又在迪士尼樂園演過海盜，她自認是「戲癡」，現實中的她跟戲中「張細倫」無異，她表示從來不介意做配角：「工作滿足感來自拍攝過程，當睇Playback見到自己演得啱喇，就係呢個感覺。劇集之後會剪接、出街後收視或者得獎，好多都冇得控制，我可以控制嘅就係好認真做好呢場戲。我最唔開心係冇戲做，我真係會技癢。」她形容愛戲的程度跟有人迷戀咖啡、追求插花一樣，有種解釋不了的連繫，亦因著戲劇而存在著。
她笑言不怕演配角，只怕沒戲演。(圖片：《晴報》楊嘉傑攝影）
拍攝劇集《殭》時，跟陳嘉寶成為好姊妹。（圖片：賴慰玲IG）
拍攝《迷》劇。（圖片：賴慰玲IG）
賴慰玲稱自己懷孕5個月時都有照拍《棟人的時光》，後來當上人妻和人母之後，對她人生有著正面影響，她說：「如果冇呢啲人生經歷，我依家嘅我都唔係依家嘅我啦，每一個經歷造就緊依家嘅自己，結婚生仔令我改變好多，依家變得有耐性，更加體會每件事。成熟嘅演員都需要進步，就是靠人生跟住我的演員歷程一齊去進步。」
當上媽媽後，賴慰玲直認個性改變不少。(圖片：《晴報》楊嘉傑攝影）
跟拍拖5年的舞台劇才子梁子峰於2017年結婚。（圖片：賴慰玲IG）
懷孕時的賴慰玲特別靚。（圖片：賴慰玲IG）
Marat出世後，賴慰玲照樣繼續拍劇。（圖片：賴慰玲IG）
3歲囝囝Marat非常可愛，賴慰玲從沒打算為家庭放棄事業，她說：「我唔係事業第一，只係人生應該係要平衡，唔同階段重心唔同位置，但唔會得一樣嘢，不同範疇都享受，咁你先至唔會被淘汰。」她笑言囝囝年紀還小，未太明白媽媽是演員的職業，可能會覺得世界上每個媽媽都會出現在電視機前，賴慰玲說：「我哋好close呀，我冇請外傭，平時由老公煮飯，因為我唔識煮，不過我哋三個人一條命呀！」
《反黑路人甲》蔣家三妹疑影婚紗相要嫁人喇？ 林宣妤家族四姊弟妹顏值超高【下一頁】
她認為人生需要平衡，不需要單一為家庭而放棄事業。(圖片：《晴報》楊嘉傑攝影）
有別於怪獸家長的進取思維，賴慰玲未有為兒子追求名校網而選住郊區村屋，她表示非常享受，特別是疫情期間，家附近已經可接觸大自然。她說：「我哋同附近農田主人好熟，佢有自己農場同小魚塘，唔同季節出產唔同蔬果，我都學到好多嘢。原來有啲蔬果係某啲季節先有，魚要某酸鹼度先可以生存，溪水山上流落嚟原來可以貫穿好多塊田，行過見到嘅毛毛蟲就係將來嘅蝴蝶......依家我哋經過就知係咩樹，呢啲正正係我哋細個接觸唔到，細個街市買完嘅嘢都唔知點嚟，點會識珍惜？依家我知道原來要種成三個月，要幫手翻土、落種子、施肥同用有機方法去杜蟲，先會得到呢樣嘢，仲一齊去收割，個感覺好唔同。」
Marat好可愛。（圖片：賴慰玲IG）
賴慰玲經常帶囝囝一齊落田體驗農耕工作。（圖片：賴慰玲IG）
在郊區生活的孩子，跟大自然多接觸。（圖片：賴慰玲IG）
賴慰玲認為過自己認為理想生活最重要。(圖片：《晴報》楊嘉傑攝影）
很多人對教育或者生活訂下一定的準則，不買樓置業或者不安排小朋友讀名校就像離了軌道一樣，賴慰玲有自己一套的生活模式，她說：「依家開始成個世界都轉變緊，唔能預知到未來會點，去過你覺得理想嘅生活唔係最好不過咩？當然你可以有自己計劃，但如果孭住層樓會令他煩惱，甚至為供樓而連去郊區玩都覺得車費太貴，咁樣好咩？我依家好鍾意工作、返屋企、見朋友，咁樣就足夠，人一生都有煩惱，煩惱都會嚟，當問題出現你先去面對啦！」
髮型：Green Cheung @ AdmiX Hair Styling
化妝 : Meegan Seak
場地: 慢理牆城 Wall Is Eat
責任編輯：楊安莉