【民選港姐】朱千雪正式成執業大律師主打咩案？ 網民讚真女神美貌與智慧並重

32歲嘅朱千雪自去年嫁畀與青梅竹馬嘅吳昆倫成為人妻之後，慢慢淡出幕前，並不斷進修，自我增值，由演藝界轉戰法律界。

{{hket:inline-image name="15.jpg"}}{{/hket:inline-image}}

(朱千雪instagram圖片)

{{hket:inline-image name="14.jpg"}}{{/hket:inline-image}}

(朱千雪instagram圖片)

朱千雪喺今年6月加入金鐘一間著名律師行做實習大律師，期間跟隨陳志鴻資深大律師、郭天穗大律師、蘇明哲大律師、黃錦娟大律師同蘇諾賢大律師實習，為期3個月。唔經唔覺，原來佢喺8月31日已經完成實習期，正式掛牌成為執業大律師，香港大學法律學院公法講座教授、名譽資深大律師陳文敏、大律師公會執委石書銘等勁人都喺該律師行工作。根據律師行網頁嘅律師簡介顯示，朱千雪喺家庭同婚姻事務、土地、侵權與人身傷害、合約與商業糾紛等範疇都有好豐富嘅經驗，未來會主力喺民事同刑事案方面發展。

{{hket:inline-image name="12.jpg"}}{{/hket:inline-image}}

(律師行網頁截圖)

{{hket:inline-image name="11.jpg"}}{{/hket:inline-image}}

(律師行網頁截圖)

朱千雪大律師實習期倒數一個月 網民關心去向：做好現在工作先 詳情即睇【下一頁】

其實朱千雪一向好學，喺2012年參選香港小姐之前，佢畢業於加拿大西門菲莎大學嘅商業同傳理系學士學位，入行後佢亦繼續進修，2015年下半年向TVB請假一年，喺香港中文大學修讀企業傳播社會科學系碩士學位，翌年修讀香港城市大學法律博士，如今終於夢想成真，做到大律師。好多網民知道呢個消息，馬上喺討論區發帖文為佢祝賀，唔少人留言讚佢叻女：「真正香港小姐，美貌與智慧並重」、「老公醫生，自己律師，人生贏家」、「點解可咁完美，佢老公就好」、「做律師有前途」，又讚佢係「Law界女神」。

{{hket:inline-image name="16.jpg"}}{{/hket:inline-image}}

(朱千雪instagram圖片)

朱千雪對上一次嘅幕前演出已經係今年5月客串《降魔的2.0》一幕，唔少人好想知佢依家正式投身法律界，究竟會唔會放棄幕前工作，朱千雪早前接受《晴報》訪問時表示，當時跟TVB仍有合約，但目前未有拍攝安排，相信粉絲們要繼續等等。

{{hket:inline-image name="13.jpg"}}{{/hket:inline-image}}

(朱千雪instagram圖片)

撰文：張芷晴
責任編輯：楊安莉