馬國明同湯洛雯呢對戀人自今年6月公布認愛以來，一直都好高調咁喺網上隔空傳情，閃盲一班網民。唔少網民睇好佢哋嘅戀情，想佢哋盡早拉埋天窗，一班藝人好友都係咁諗。例如早前鄭嘉穎、馬國明接受TVB娛樂新聞台訪問時，馬國明對組織家庭表示隨緣，但鄭嘉穎就提醒佢：「唔係㗎，真係有仔要趁嫩生，到時你就明我講咩嘢喇，你依家就咁咩啫...」尋晚，蕭正楠都喺湯洛雯嘅instagram下面留言催婚。
(TVB娛樂新聞台電視截圖)
【愛得高調又甜蜜】馬國明玩換臉App勁似球王美斯 湯洛雯爆手上仲有絕密片段 詳情即睇【下一頁】
事緣湯洛雯喺IG呼籲網民今晚9點睇佢嘅直播，馬國明即時冧豬留言：「9點見」，湯洛雯見狀就讚馬國明好支持佢。有網民指馬國明應該同湯洛雯日日都有得見，亦有網民笑言佢哋太甜蜜，蕭正楠都忍唔住留言：「哇！呢啲老公邊度搵？」然後扮做改口，表示：「sorry sorry男朋友先啱」因為蕭正楠呢個留言，唔少網民都加入催婚行列，鼓勵馬國明、湯洛雯應該明年就結婚，並對佢哋嘅婚禮大呼期待。湯洛雯睇到蕭正楠留言，問道：「朋友，你好悶嗎？」
(湯洛雯instagram圖片)
{{hket:inline-image name="13.jpg"}}{{/hket:inline-image}}
(湯洛雯instagram截圖)
唔止今次，其實馬國明經常會喺社交平台同湯洛雯互動放閃，大曬恩愛。幾乎每次湯洛雯發布新帖文，無論係咩相，馬國明都會留言心心眼或者雙眼發光嘅表情符號，好捧場。有次湯洛雯用表情符號回覆，問佢點解唔打字，網民亦問佢可唔可以換另一種表情。之後馬國明終於唔覆表情符號，直接讚湯洛雯靚：「真係好靚喎」、「好靚呀」嚟氹女朋友開心。
(湯洛雯instagram截圖)
(湯洛雯instagram截圖)
{{hket:inline-image name="16.jpg"}}{{/hket:inline-image}}
(湯洛雯instagram截圖)
(湯洛雯instagram截圖)
{{hket:inline-image name="14.jpg"}}{{/hket:inline-image}}
(湯洛雯instagram截圖)
近日湯洛雯喺IG動態用特別濾鏡自拍，變成Q版少女，用嗲聲唱出《分分鐘需要你》，唱到人心都甜埋，疑似想向馬國明作出愛的呼喚。而馬國明亦上載自己嘅Q版《兒科醫生》造型，同湯洛雯相當合襯。
(湯洛雯instagram動態影片截圖)
(馬國明instagram截圖)
【秒覆女友】湯洛雯用唐老鴨與男友隔空傳情 馬國明冧豬放閃：最緊要佢開心 詳情即睇【下一頁】
唔少網民指馬國明同湯洛雯成日放閃好肉麻，馬國明接受《晴報》訪問時就回覆：「有時睇佢post啲咩，就留咩言，冇特定嘅。我哋都唔知點解啲網民講到好似好肉麻咁，我唔覺得好肉麻。我哋都係好平常，做一般人拍拖會做嘅嘢。」但佢指依家有疫情，變咗唔係好方便同湯洛雯周圍行街、睇戲、食飯。佢又指依家同湯洛雯未有結婚計劃：「唔關事，純粹係阿蕭（蕭正楠）佢口痕啫，哈哈哈。」湯洛雯都有喺IG動態澄清：
(湯洛雯instagram動態截圖)
撰文：張芷晴
責任編輯：楊安莉