資深演員譚炳文今早突然離世，大批傳媒到律敦治醫院守候，其女兒譚淑瑩下午1點40分由四位親友陪同離開醫院時接受簡單訪問，淑瑩甫開口就已經激動落淚，她直言：「太突然喇，冇心理準備。」她控制情緒後，慢慢道出爸爸的病況，她表示：「6月時以為佢係骨痛，帶去睇骨醫，跟住發現有癌症擴散，去瑪麗醫院接受電療之後，已經唔痛喇，不過活動能力弱咗，醫生話要時間慢慢修復。琴日同佢去葛量洪醫院覆診，醫生畀佢逢星期五覆診，冇事就可以返家休息。」
【配音界泰斗】資深演員譚炳文肺癌離世終年86歲 近年坐輪椅出入照常配音工作【下一頁】
(圖片：東星娛樂)
(圖片：東星娛樂)
(圖片：東星娛樂)
(圖片：東星娛樂)
譚淑瑩與親友一同離開醫院。(圖片：東星娛樂)
淑瑩表示半夜12點，爸爸感到呼吸困難，於是召喚救護車送院到律敦治醫院，她說：「我等到3點幾，本來醫生話可以返屋企，點知今朝7點突然話佢透唔到氣，要我哋即刻去醫院，太突然，未接受到。我哋本身諗住佢至少捱多一、兩年或者幾個月，佢有個心願，同樂小姐（樂易玲）簽咗約，佢好想完成啲工作，因為佢腦袋仲係好清晰，知道你講咩，只係活動慢咗，所以真係接受唔到，我真係好唔捨得佢。」由於事出突然，淑瑩稱未安排身後事，會找佛教法師為爸爸誦經。
譚炳文心臟手術後又受骨刺折磨 幸有乖女貼身照顧中西合壁治理【下一頁】
(圖片：譚淑瑩Facebook )
譚炳文與太太。(圖片：譚淑瑩Facebook )
(圖片：東星娛樂)
(圖片：東星娛樂)
好友薛家燕和胡楓跟譚炳文相識多年，對死訊大感驚訝，家燕姐說：「我聽到當然係好難過，佢真係睇住我哋大，識咗咁多年，《流行經典50年》請佢出嚟唱歌，佢已經好耐冇出嚟唱歌，佢好錫我、好畀面，同修哥（胡楓）一齊出嚟表演。唉...好難過好唔捨得佢離開，祝炳哥一路好走，屋企人都節哀順變。炳哥喺影藝界貢獻良多，尤其是喺配音方面，指導同培育咗好多新人，佢真係可以話係『配音王』。佢久唔久都會返去配音，視工作於娛樂，好敬業樂業，好值得後輩學習。」而胡楓形容跟譚炳文是超過60年的好朋友，難忘事多不勝數。
(圖片：東星娛樂)
無綫發表聲明，內容如下：
無綫資深演員暨配音員譚炳文今(5日)早離世,連日來與炳哥及其家人有緊密聯系之助理總經理(藝員管理及發展)樂易玲,今早突聞噩耗,深表難過,並向其家人致以深切慰問。
無綫電視深表惋惜,亦會盡力協助其家人辦理後事,提供適切協助。
炳哥加入無綫多年,除在台前演出大受歡迎外,幕後並擔任配音工作逾半世紀,其中配演《包青天》系列劇集之包拯角色,深入民心,膾炙人口,最後作品是今年3月在翡翠台播出之《慶餘年》,配演莊墨韓一角。
2014年在《無綫配音組仝人聯歡暨頒獎典禮》中獲頒發「終身成就獎」,同年在《萬千星輝頒獎典禮2014》榮獲「萬千光輝演藝人大獎」,肯定其在演藝圈的付出及貢獻。
2020年9月5日
(圖片：東星娛樂)
而後輩歐錦棠在Facebook悼念譚炳文，他留言說：「前兩天睇電視廣告才聽到他的聲音，好耐冇聽炳哥把聲，心𥚃是替他高興的。他的聲音圓潤、鏗鏘有力、帶著男性較罕有的輕柔溫婉，常有「哄人」的感覺，教人聽了舒服，聲音就是他的招牌，是不折不扣的「配音王子」。有好嗓子，唱歌自然優人一等，”當年相戀意中人、大家性情近⋯”唱到街知巷聞，人人琅琅上口，金曲歷久不衰。炳哥從藝多年，孜孜不倦，戲路縱橫，正、邪、奸、諧、儍、悲角色無不收放自如，演陰險小人叫人看得咬牙切齒；演江湖叔父氣壓全場教人信服；演小人物則惹觀眾憐愛笑哭無定，是個全面而且精湛的演員。要講關於炳哥的實在太多，與他共事有年，往往受他照顧教誨，在演戲做人處事令我受用不盡。炳哥為人風趣詼諧，有他在的地方就充滿歡樂，他是個懂得用聲音的人，善於節奏，講故事就特別動聽，普通的一件小事出自他口，就令大夥捧腹不已，和炳哥一起試過做些頑皮事去整人，你不會想像得到一個德高望重的前輩竟會有如此童心與年輕人打成一片。此刻，腦海裏不斷浮現炳哥的音容種種，非筆下所能盡錄。再見了炳哥，謝謝你的一切。」
責任編輯：楊安莉