劇集《反黑路人甲》中，蔣家旻以性感嫵媚的水姐角色示人，在社團中是一位話事人，出入都有大班兄弟保護。水姐能夠利用自己的美色去做事，有不少裙下之臣，偏偏在無意間愛上敵人蔣世龍（王浩信飾）。
(圖片：《晴報》楊嘉傑攝影)
(圖片：蔣家旻IG）
（圖片：《反黑路人甲》電視截圖）
（圖片：《反黑路人甲》電視截圖）
今次蔣家旻的角色令觀眾眼前一亮，徹底洗走以往小妹妹的感覺，就算劇中跟徐榮再次合作，大家也看不出《愛回家》馬強和馬子妮兩父女的感覺。家旻說：「今次個劇唔係嗰回事，同徐榮開工對得最多，完全唔會尷尬覺得係父女，反而同羅天宇就真係覺得佢係我阿哥。」家旻稱最尷尬是戲服比較貼身和性感，初初開拍都有不習慣，但慢慢工作人員都看慣了就沒感覺，她笑言：「沒有刻意加墊，不過一直拍就一直瘦，上圍都有縮水。」
(圖片：蔣家旻IG）
(圖片：蔣家旻IG）
(圖片：蔣家旻IG）
（圖片：網上圖片）
以往蔣家旻三個字往往跟《愛回家》的馬子妮劃上等號，對她而言是福亦是禍，她笑言：「我冇主動去孭住呢個包袱，係外界畀我，有好有唔好，好似永遠長唔大咁，亦代表角色深入民心，咁多年都仲記得。由我20歲出頭到依家30歲，有時我去買化妝品或者去整車，都有人稱呼我做馬小姐。」她認為外貌不老當然開心，但作為演員，先入為主的感覺卻變成一種局限，失去挑戰的機會。她說：「可能個角色要做人女朋友，但男演員比較成熟，總係會變兄妹咁，無奈工作上係有局限。」
（圖片：郭少芸微博）
對於今次水姐的角色，家旻有一定的期望，她說：「我今次真係好想洗底，呢個劇本同角色我都好鍾意，同我以前形象好唔同，我唔期望會大紅大紫，只希望觀眾鍾意個劇之餘，對我有不一樣嘅睇法。觀眾睇到蔣家旻終於大個女，可以駕馭到唔同角色，繼續畀更多機會我去試。」
入行13年，家旻視演員為終身職業，她期待慢慢由配角走上女主角之路，她說：「我好想試唔同角色，戲份愈來愈重，我想有女主角嘅一日，不一定要即刻做女一，慢慢做主配角做起，（等好耐？）我覺得如果太早畀我演，我又未必做得來，依家有信心，得到角色就盡量去做好佢。我上年有入圍《最佳女配角》，但今年我怕好忟水，我都好想入圍《飛躍進步女藝員》，算係對自己一個交代。」
(圖片：《晴報》楊嘉傑攝影)
(圖片：《晴報》楊嘉傑攝影)
(圖片：《晴報》楊嘉傑攝影)
多年來，圍繞家旻的新聞多數只有霧水緋聞，最令人印象深刻的一次是她因私下接拍了電影，被罰離開《愛回家》的一次。她說：「當時我無經理人合約，諗住有機會試電影，咪去試囉，但最終角色同馬子妮有好大衝突，加上種種原因，我就被寫走咗。幸好多謝珍姐（曾勵珍）同監製，半年後畀我回歸，拍到去結局。」
她直言被踢走的空窗期有得亦有失，得到的是金像獎的最佳新人提名，失去的是半年不能夠拍《愛回家》，她說：「以前任性想點就點，依家30歲可能考慮嘅就會多好多，我未必有勇氣試。」對於花邊新聞往往與人氣掛勾，家旻說：「我嘅緋聞唔會影響我形象，所以冇乜點理會，過往我都冇乜好肉酸嘅新聞，咩第三者、搶人男友或者鬥爭是非亦唔會有我，因為我好清楚自己做緊乜。拍拖會有，但可能我對愛情冇信心，我唔想咁高調、咁公開，萬一分手又覺得我玩吓玩吓咁。我好想有一日好似譚凱琪咁，大家都知有個穩定嘅對象，直到結婚生小朋友。」
(圖片：《晴報》楊嘉傑攝影)
家旻是獨生女，她感激父母放手讓她去追夢，家人沒有要求她太多，只是催促她置業求個安穩，她直言現時照顧到自己，希望能夠再進步，讓家人有個安樂窩。
髮型: Kenny Chan @ Hair
服裝: Amelie Street
場地: OysterMine
攝影：楊嘉傑
責任編輯：楊安莉