豐澤聯乘駱駝牌 推特別版暖水壺為醫護打氣

疫情期間，企喺最前綫嘅醫護真係好辛苦，黛安知道，豐澤早前特別聯乘駱駝牌，推出以「The Colours of Life」為主題嘅特別版經典真空暖水壺，唔單止顏色奪目、設計時尚，仲非常有深意，充分體現豐澤「關懷‧分享愛」嘅精神。

點解咁講？因為5款經典真空暖水壺有齊橙、湖水綠、粉紅、藍、淺灰等至潮顏色，更代表人生5大正能量元素，仲有為醫護打氣嘅含義。公關姊妹話，即日起喺全綫分店及eShop網店購物滿$1,000，即可用$328換購1個特別版暖水壺；而每賣出5個，豐澤就會捐出1個暖水壺畀香港護士協會，等前綫醫護都可時刻「見字飲水」，保持充沛體力應對挑戰。