【天生一對】裕美撐林作貶麥明詩「稱職」男友 怒剷網民:依家走來懶正義?

麥明詩日前盛裝為港姐擔任最上鏡小姐評判，撞正前度林作拖新歡裕美睇港姐決賽，三人同場意外成為焦點。有傳媒再將麥明詩同裕美作比較，裕美被形容為「平平無奇」，林作在社交網發帖表示：「裕美真心靚過麥明詩好多，身材也更優勝。」指名道姓比較兩女外形，隨即激起千重浪，有網民鬧林作消費舊愛兼欠風度，麥明詩對事件回應非常冷淡：「冇回應，唔想中圈套」。

{{hket:inline-image name="60651d05-9bc3-4a8c-8e8e-6c4053d5523c.JPG"}}{{/hket:inline-image}}

（東星娛樂）

林作之後再發文解釋指，為女友撐腰，係男友基本責任：「我的post是還擊記者在無道理情况下攻擊裕美，刻意將她貶低。這是有失公允的，而作為男朋友必須挺身而出。既然記者如此偏頗，我也針對記者的寫法予以本人認為才是事實的糾正而已。我沒有任何興趣提及前度，我從來不會。我要還擊的是報道。再次重申： 裕美係好靚。」

{{hket:inline-image name="54297fc0-d427-4b13-8d2a-348af9a69468.JPG"}}{{/hket:inline-image}}

（東星娛樂）

裕美顯然對男友為佢撐腰非常受落，出Post鬧爆網民兼反撐男友:「咁多報章將我同其他人比較時，唔見咁多網民話寫野嗰個人無風度，將我踩完又踩，講到我一文不值，唔見咁踴躍替我平反？依家走來懶正義？我來問咁多位女士，如果你係我，你畀人踩到咁，係咁將你同人比，你男朋友都一言不發唔替你平反，唔認為你係佢心目中最靚嗰個，咁呢位男朋友你可以飛左去。而且林作只係個人認為邊個靚，難道選美你話邊個靚好多，你又無風度？咁你地全部人都唔好話任何人靚定唔靚，因為呢個係無風度嘅行為。作為男朋友，林作係完全知道點樣令自己女朋友安心，佢會令你覺得世界上只有你才是最好的。」

{{hket:inline-image name="22.JPG"}}{{/hket:inline-image}}

（裕美Facebook）

{{hket:inline-image name="64523715_635485350288797_2002018769018073304_n.jpg"}}{{/hket:inline-image}}

（裕美IG）

不過網民都係偏向唔撐二人，反指林作可以出聲保護裕美，但唔使扯埋其他人入嚟，依家林作呢個行為又係將佢同人比較，同佢口中嘅傳媒都冇分別，留言：「反擊報道都有好多種方法的，只係林生偏偏要用最『低莊』嘅方法。」

{{hket:inline-image name="E69E97E4BD9C_39bIJ_1200x0.png"}}{{/hket:inline-image}}

（網上圖片）