【開學復課】子女每日Zoom兼睇片 開學前驗眼發現變「大近視」 家長嘆：唔想佢咁快戴眼鏡

因疫情關係，不少學校於新學年甚至在暑假，已開始以Zoom等程式作網上授課，因小孩經常上堂睇平板兼睇片消閒，有家長擔心子女視力會受損，於討論區分享苦況時引起不少父母共鳴。有專家提醒，兒童在8歲前視力尚在發展，易受不良習慣影響而變成近視，並提出幾個兒童護眼方法，以減少因長期使用電子設備近視風險。

網上授課Zoom足成日 眼科醫生「視力實有影響」

早前有家長於網上討論區以「復課前有冇帶仔女去驗眼」為題發文，自言擔心子女長時間使用電子熒幕會變成「大近視」，引起不少家長共鳴。一名育有6歲幼女的家長就指女兒近月每天用Zoom上堂約2小時，今年1月驗眼仍未有視力問題，惟事隔半年已有50度近視。她又引述醫生評語，指如長時間面對熒幕，視力難免會受影響，

「醫生都講明（視力）實有影響，但多定少因人而異。」

不少家長表示子女原本並無近視或遠視，至近月使用Zoom時間急增下重複驗眼，始知遠視已然減少或近視增加50至100度不等。有家長指早前帶女兒驗眼，視光師指女兒遠視問題減輕無須再戴眼鏡，事主來不及開心就被視光師下一句說話「打沉」，

「半年後返嚟就應該近視架喇，因為遠視得返少少，無度數再扣就會變近視。」

驗眼童急增 家長盼儘早復課

同時，多位家長異口同聲指近期前往驗眼的小童明顯增加，有人指視光師表示近期明顯較多學童驗眼，普遍都有近視加深問題，又建議每使用電子熒幕30分鐘就要休息「望下遠嘢」。有家長就表示希望學校能儘快復課，減少子女面對電子熒幕時間以免視力受損，

「視光師話如果100度就要配（眼鏡）。（女兒）宜家先8歲，真係唔想咁快戴眼鏡！」

眼科醫生：8歲前視力較易受影響

眼科專科醫生余珊早前接受《晴報》訪問時指出，小童視力在8歲前仍處於發展階段，較易受外來因素影響視力。視光師余家駒及林育安亦曾向本報分享5大兒童護眼貼士，可供家長們參考。

兒童護眼4招

1. 最少保持30厘米距離
對慣用右手之小童而言，光線應由左上方照射，避免光線受自身阻擋。兒童坐姿亦需端正，頭不可歪亦不可過度前傾，眼睛與目標物應保持至少30至40厘米。

2. 每20分鐘休息20秒
熒幕畫面需保持柔和穩定，同時應保持室內光線充足。每使用20分鐘就要休息20秒以上，休息時可選擇閉目養神或望向遠景。

3. 多吃護眼食物
含豐富維他命A食物如番茄及紅蘿蔔，對眼睛健康成長很有幫助；Omega-3（如沙甸魚、三文魚、鱒魚、鯖魚等）亦可幫助信息快速傳到大腦，提升視覺功效。

4. 定期做視力檢查
小童往往不懂表達近視加深，視光師建議家長每隔一段時間為子女安排進行放瞳檢查，以檢查出真實遠近視度數，避免將「假近視」當真。

責任編輯：鄭禮賢