樂隊Mr.主音布志綸（Alan）今日於社交平台發文，話自己電台聽到某歌手的新作，覺得此歌跟其十年前的作品《森林》極為相似，Alan發文：「昨晚離開studio回家途中，聽到電台播著一位歌手的新歌，然而我隨著那首歌的音樂底，可以完整地唱出整首《森林》起來。」
（Alan Facebook）
唔少網民都即刻好大反應，猜測指此人正是吳業坤，並指其新歌《原始心態》不論是掃chord的pattern，定係歌曲中停頓位，都同《森林》有八成相似。對於呢個歌手嘅身份，Alan就未有公開。
（Alan Facebook）
都有唔少網民拎返當年Mr.被指疑似抄歌嘅事件出嚟講，Alan好快又再發文：「其實也不是太大問題，正如家駒亦曾說過，音樂從來沒有100%原創，都是聽過其他作品因而被啟發去創作，我亦慶幸《森林》這首歌也曾經啟發過不少樂迷。」
Mr.《森林》
Alan指自己寫《森林》時，都係受Radiohead嘅《No Surprises》影響而創作出來，他坦言不論音符、編曲、聲音等都是大同小異。
Radiohead嘅《No Surprises》非常經典！
Alan澄清自己冇冇講過首歌，亦冇話人『抄』。指自己都被講咗好多年，所以我無謂去介意，但『抄』呢個字，佢覺得唔係一個亂講係就係嘅詞彙。當年Mr.出道時，亦曾多次被指抄襲其他歌手，如《Mr. Tam》就被指抄襲Bon Jovi的《It’s my life》、《搖擺》亦是跟Bon Jovi的《Everyday》非常相似。
（Alan Facebook）
《森林》一曲是由布志綸（中）作曲，並由Mr.另一成員MJ（左一）作詞（Alan Facebook）
而吳業坤的新歌《原始心態》，則由黃思彥作曲及編曲、陳詠謙填詞，並由舒文擔任監製。
對於被網民質疑抄歌一事吳業坤回覆晴報，指自己都有睇到Alan帖文，但由於對方沒有說明是聽到哪位歌手的歌，故自己不就此作出回應及評論，但坤哥就力撐佢嘅創作班底：「所有作曲、填詞、監製 、編曲等等，每一個都好用心去做好佢哋嘅部份，我亦都好用心去唱好每一粒音每一粒字，所以我係對所有我自己做出嚟嘅歌好喜歡同有信心嘅。我亦都好相信香港每一個做音樂嘅人亦都好用心。」
（吳業坤IG）