TVB新劇《過街英雄》行輕鬆搞笑路線，老少咸宜。劇中，森美化身做港版超級英雄「老鼠俠」唐亮星，同黃翠如飾演嘅私家偵探宋凱甄一齊查案，儆惡懲奸，只係播咗3集已經鬧出唔少笑話。
劇情講述私家偵探宋凱甄發現楊生集團用不法手段收購舊樓，令好多業主遭威逼下簽賣樓合約，富有同理心嘅佢決定搵出集團黑材料，鋤強扶弱。唐亮星為人自私自利，本想拒絕幫忙，惟被宋凱甄捉住把柄，被迫應承。聽到孟婆(雪妮飾演)悲慘嘅故事後，唐亮星毫無感動，依然繼續尖酸刻薄咁講說話，幫孟婆做家務時仲一臉嫌棄。
(《過街英雄》電視截圖)
後來宋凱甄假裝風水師，博取楊生集團老闆嘅信任。
(《過街英雄》電視截圖)
{{hket:inline-image name="18.jpg"}}{{/hket:inline-image}}
(《過街英雄》電視截圖)
佢本來計劃借千手觀音像騙取1億，再轉贈孟婆等無辜業主，但佢下屬趙機智（唐嘉麟飾演）、秦開心（吳嘉儀飾演）被楊氏兄弟捉咗。宋凱甄趕到現場，欲同楊氏兄弟交換人質同現金。
(《過街英雄》電視截圖)
貪生怕死嘅唐亮星匿埋一邊，見到宋凱甄被擒，冇第一時間救人，而係先拎番啲錢，欲據為己有。
(《過街英雄》電視截圖)
後來唐亮星折返去搵宋凱甄同佢下屬，用靈敏嗅覺搵到佢哋被活埋位置，再徒手掘泥，成功搵到佢哋。性格卑鄙嘅唐亮星叫宋凱甄交出條片，否則唔救佢，宋凱甄指自己已報警，不受唐亮星威脅，反指佢可能因見死不救而坐監，最後唐亮星迫於無奈救出3人。
(《過街英雄》電視截圖)
森美話唐亮星係個賤精，佢接受TVB娛樂新聞台訪問表示：「佢覺得所有嘢都要以利益行先，其他人眼中係cheap，佢心目中係最醒目。」佢認為劇集最有趣係動作場面，所以佢會盡量親身上陣。雖然間唔中失手跌倒，不過佢話好好玩：「我想做多啲，有好安全嘅措施，平時唔夠膽跳，依家有『威也』吊住個心就定啲，跳過去覺得自己好似好厲害咁。有時我會忍唔住大叫出嚟，所以要NG，做番啲戲。」佢仲大爆自己都唔係咁大膽：「每一跳我都冇望下面，唔知幾高，我當喺平地，唔好話畀人聽。」
(TVB娛樂新聞台電視截圖)
(TVB娛樂新聞台電視截圖)
{{hket:inline-image name="13.jpg"}}{{/hket:inline-image}}
(TVB娛樂新聞台電視截圖)
森美為人貪玩，等埋位時佢一時踢道具施展腳法，一時戴老鼠頭套。KT唐嘉麟對佢讚不絕口：「佢識好多嘢，會開好多唔同話題畀我哋研究，唔知以為聽緊電台。」
(TVB娛樂新聞台電視截圖)
仲有唔少粉絲搵森美影相，讚佢靚仔，佢話：「成日喺街拍嘢都有人搵我影相，頭先佢走嘅時候話：『唔該晒你吖林峯』認錯成日都有。」工作人員反駁佢似胡楓，佢好得戚咁話仲勁咗。
(TVB娛樂新聞台電視截圖)
{{hket:inline-image name="16.jpg"}}{{/hket:inline-image}}
(林峯instagram圖片)
撰文：張芷晴
責任編輯：楊安莉