無綫旅遊節目《潮什麼》系列的主持梁芷珮（Christy）愈來愈受歡迎，雖然近來由於疫情關係，Christy一家都未能出發拍攝，亦不能帶團外遊，但由於這位靚媽形象健康，而且大受觀眾歡迎，所以密密接拍廣告，人氣愈來愈旺，不過近日Christy開直播直言被老公Kenneth搶盡風頭。
相關新聞：【絕世好男人】梁芷珮丈夫被網民侮辱食軟飯 隆重介紹老公反擊：直頭係超人
Christy同老公Kenneth好似孖公仔一樣，非常恩愛。(圖片：梁芷珮Facebook)
(圖片：梁芷珮Facebook直播截圖)
Kenneth獲網友狂讚。(圖片：梁芷珮Facebook直播截圖)
平日拍節目，Christy的老公Kenneth就是攝影師兼監製，拍到老婆靚一靚，不過直播當日Christy開直播，讓Kenneth教大家煮俄國菜Beef stroganoff，Christy笑言：「成屋得佢同工人姐姐識煮飯，因為工人姐姐菜式成日都重複，所以有時老公自己親自下廚。」見Christy老公煮得有板有眼，不少網友留言都大讚他是「型男大主廚」，被讚的Kenneth 一邊煮一邊嘴角上揚。期間，直播觀看人數直衝1200人，Christy笑言：「我開直播都冇咁多人睇，我唔好開心囉！」不過她不斷大讚：「老公，好多人睇，你好叻呀！」認真sweet！
破千人睇直播，連Christy都要畀掌聲老公。(圖片：梁芷珮Facebook直播截圖)
二仔同細細妹搶住食，畫面好搞笑。(圖片：梁芷珮Facebook直播截圖)
製成品非常美觀，而且見到他們三子女爭住食，非常可愛的畫面。期間，不少網友大讚Kenneth是好老公，除了拍片的工作外，還會入廚，而且片中三個舉動，令Kenneth表現他是好老公、好爸爸。
相關新聞：【西葡潮什麼】梁芷珮16歲大仔承爸爸衣缽拍攝 三孩之母弗爆疫市開班做運動
Christy遇到昆蟲來襲，嚇到花容失色。(圖片：梁芷珮Facebook直播截圖)
二仔個髮型好有型，原來係爸爸親自主理。(圖片：梁芷珮Facebook直播截圖)
首先是捉蟲，Kenneth煮餸煮到身水身汗，沒想到突然屋企有昆蟲來襲，嚇到Christy在鏡頭前都花容失色，同囡囡一齊尖叫，Kenneth即時放下煮食工具，為一家人去趕走昆蟲，解決危機。第二是剪頭髮，原來二仔的髮型是爸爸Kenneth親自主理，由於新冠肺炎疫情嚴重，不方便帶囝囝去理髮店，所以爸爸親自操刀，更特別留一條長痕，非常有型。第三是細心照顧細女，他一邊整餸，旁邊幼女都好想參與，雖然擔心會出錯，但身為爸爸的他都樂意細心教囡囡，又畀佢一齊落材料之類，非常抵讚！
細女好可愛。(圖片：梁芷珮Facebook直播截圖)
細女努力幫爸爸手。(圖片：梁芷珮Facebook直播截圖)
責任編輯：楊安莉