《愛回家》Terry李偉健爆肌拍片獲讚大隻 教人屋企用4個動作減肥健身

近日，《愛回家之開心速遞》嘅「Terry」李偉健接獲朋友嘅體能挑戰，仲一邊做挑戰，一邊拍片教人喺屋企點做呢4個動作去減肥、健身。

{{hket:inline-image name="24.jpg"}}{{/hket:inline-image}}

(李偉健instagram截圖)

平板支撐90秒

李偉健指：「呢個動作主要訓練我哋嘅核心肌群，核心肌群位於我哋腹部同下背比較深層嘅肌肉。呢個動作可以增強我哋戰肌耐力、穩定軀幹、運動時減低受傷嘅機會。」而且佢好細心咁糾正大家動作：「屁股唔好升得太高，令到膊頭受壓。條腰唔好垂太低，令腰椎受壓。盡量腰椎、頸椎保持直線，最好眼望地下。」佢不忘提醒大家要量力而為：「不過如果好似我咁呢幾年少咗做運動，搞到有少少腰酸骨痛，當你做呢個動作就要特別留意。當你發現下背感覺到痛時，就要停止呢個動作。」

{{hket:inline-image name="23.jpg"}}{{/hket:inline-image}}

(李偉健YouTube短片截圖)

捲腹50下

李偉健指：「呢個動作近年多咗人做，取代仰臥起坐，原因係佢比較簡單同安全。做嘅時候將上半身捲起，收緊腹部然後呼氣，下半身貼近地面，可以減低脊椎受傷嘅風險。」李偉偉一邊做，一邊好辛苦咁呼氣，佢笑言以前會笑啲前輩成日話：「想當年我幾厲害...」，不過依家嘅佢終感同身受。

{{hket:inline-image name="22.jpg"}}{{/hket:inline-image}}

(李偉健YouTube短片截圖)

俄羅斯轉體30下

李偉健指：「好多人想增加難度就會拎住鐵餅、雙腳離地，我依家用比較輕身嘅公仔，同埋雙腳貼地咁做」佢繼指：「呢組動作主要係練習腹外斜肌。平時少做運動嘅朋友可以雙腳放地下，增加穩定性。脊椎有傷嘅朋友暫時唔適宜做呢個動作。」

{{hket:inline-image name="21.jpg"}}{{/hket:inline-image}}

(李偉健YouTube短片截圖)

深蹲30下

李偉健指：「以前做健身嗰陣唔贊成（蹲下時）膝頭過腳尖，因為覺得可以減輕膝頭負擔，同埋減少受傷嘅機會。但近年大部分健身人士已經接受咗膝頭可以過腳尖嘅理論，原因係膝頭唔過腳尖會增加寬關節同腰椎嘅壓力。」佢話呢個動作爭議性比較大，冇絕對啱定錯，所以佢認為只要深蹲時，膝頭同背部冇異常唔舒服或者受壓，咁就係冇問題。

{{hket:inline-image name="20.jpg"}}{{/hket:inline-image}}

(李偉健YouTube短片截圖)

其實李偉健喺未入行參加香港先生競選前曾經做過健身教練，唔怪得有自己一套健身心得。一班網民睇到著住背心嘅李偉健大騷二頭肌、胸肌，紛紛大讚好大隻：「雙手臂不得了」、「手臂操得好好」，仲有人話想睇佢同準備考健身教練牌嘅「送水輝」許家傑健身鬥大力，睇吓邊個厲害。李偉健除咗多謝大家支持，亦好謙虛咁答：「已經（操得）唔好啦」、「依家行步路都唔夠氣」，甚至形容自己已經頹廢多時，甩皮甩骨。

{{hket:inline-image name="19.jpg"}}{{/hket:inline-image}}

(李偉健YouTube短片截圖)

{{hket:inline-image name="25.jpg"}}{{/hket:inline-image}}

(李偉健instagram截圖)

撰文：張芷晴
責任編輯：楊安莉