《愛回家之開心速遞》連環出現第三對熒幕情侶分開，繼Rebecca（沈可欣飾）和鐵面陳（王致狄飾）、池子孝（阮政峰飾）和Venus（鄺潔楹飾）外，昨晚細龍生（鄭世豪飾）和細龍太（陳偉琪飾）都面對同樣的厄運。的確，自從雷公（白彪飾）吞併接龍集團之後，細龍太一直都沒有現身，細龍生以為太太被禁錮，找來「廢柴同盟」的送水輝（許家傑飾）、KC（歐瑞偉飾）和Peter（杜大偉飾）去大宅營救。沒想到細龍生找到的是自己被出賣的真相，他跟細龍太雙方都哭成淚人，非常感動。
細龍生偷聽到雷公的對話，以為老婆被禁錮。(圖片：《愛回家之開心速遞》電視截圖)
細龍生心入面以為係咁...(圖片：《愛回家之開心速遞》電視截圖)
於是搵廢柴同盟出動，一齊營救雷珍妮。(圖片：《愛回家之開心速遞》電視截圖)
被禁錮原來係隻狗。(圖片：《愛回家之開心速遞》電視截圖)
見到老婆點知...佢先知自己被老婆出賣。(圖片：《愛回家之開心速遞》電視截圖)
陳偉琪暫別劇組的最後一幕，爆發真眼淚。(圖片：《愛回家之開心速遞》電視截圖)
鄭世豪同樣哭成淚人...(圖片：《愛回家之開心速遞》電視截圖)
細龍生一向癡心一片，他思前想後終於決定原諒太太，可惜再次到訪大宅時，雷公指細龍太已經遠走高飛......
相關新聞：《愛回家》細龍生喊住求爸爸救老婆不果 反累大龍生失接龍眾叛親離
MV昨晚首播，兩人在MV中再結片緣。(圖片：《只准你話我是傻》MV截圖)
(圖片：《只准你話我是傻》MV截圖)
(圖片：《只准你話我是傻》MV截圖)
MV的感覺勁似《愛回家》之中細龍生、細龍太的相處。(圖片：《只准你話我是傻》MV截圖)
有別於以往鬥嘴的搞笑畫面，全集不斷派「洋蔥」，而且鄭世豪和陳偉琪都動用出真眼淚，睇到觀眾大為感動。劇集播出後，兩位演員一齊開直播聊天，大家都追問細龍太何時回歸，陳偉琪苦笑說：「未知幾時會返...」而鄭世豪昨晚亦推出全新歌曲《只准你話我是傻》，MV邀請到陳偉琪擔任女主角之餘，原來新歌由世豪親自填詞，內容是紀念劇中細龍生、細龍太的一段情，連「武士」等元素都寫進去，莫非暗示陳偉琪真的要離開劇組？
相關新聞：《愛回家》預告一連三集驚見龍家變天 雷公吞併接龍累大龍生侷住熊家？
(圖片：網上圖片)
最後一幕彩蛋，大家覺得是否意味細龍太會回歸呢？(圖片：《只准你話我是傻》MV截圖)
鄭世豪接受《晴報》電話訪問，他表示：「Jenny冇話過要同我離婚的，只係真係呃咗我，有愧於心不敢再見我而離開了，離開幾耐真的不知道，希望佢快啲回來我身邊啦。（好癡情？）一係唔愛，一愛要愛到底嘛，廢得來又愛得癡線係幾好玩，觀眾睇得開心係最重要，而家廢不代表將來廢，可能嚟緊我勁唔廢又強勁咁都唔定...」
提到他為這段情推出新歌和MV，世豪說：「今次首歌真係紀念呢段感情嘅，好多謝劇組，令我同佢發生咗好多情節，有感人、有搞笑應有盡有，所以我都嘗試填詞，希望表達到呢份心意。我倆之後發展未知道，但MV最後有段彩蛋，都幾合乎大家心意。」他笑言上次新歌沒找到陳偉琪拍MV，令對方生氣，今次希望將整首歌送給她，希望可以補償。
兩人老友鬼鬼，私下對話都好窩心。(圖片：陳偉琪IG）
而陳偉琪出心出力幫世豪拍MV之餘，在網上亦為他宣傳，她將世豪跟她私下的對話放上網，世豪留言說：「多謝你呢三年來對我嘅愛護，只能夠送首歌比（畀）你，快啲快（返）來啦吓！」字裡行間，看得出陳偉琪和鄭世豪戲外都非常之感情要好。
責任編輯：楊安莉