本港第三波新冠肺炎疫情嚴峻，不少人均留在家中自煮三餐抗疫。有港媽分享，指自己日前趕功課無時間煮飯，提議由其13歲女兒準備晚餐，沒想到女兒二話不說答應，更一手包辦三餸一湯，從洗切、烹煮至調味均「一腳踢」。事主餐後對菜式給予滿分，更感嘆稱「適當時放手真係好重要」。
一位育有2名女兒的港媽，本周三（29日）晚上以「1個13歲的女兒自己煮比（畀）爸媽嘅晚飯」為題，在Facebook群組「今晚煮乜好」中發文，表示自己日前趕着完成進修課程的功課，實在沒有時間煮飯，便向其13歲長女提議「不如你煮今晚餐飯啦」，沒想到女兒欣然答應，事主形容，
「（女兒）好乖女二話不說就應承咗我，由洗洗切切到煮到調味都一手包辦。」
從事主分享至社交平台的照片可見，其13歲女兒獨力包辦三餸一湯，菜式包括冬瓜粒湯、鹽水毛豆、瑞士汁雞槌，以及在母親指導下完成的陳皮蒸泥鯭。
冬瓜粒湯。（「今晚煮乜好」Facebook）
鹽水毛豆。（「今晚煮乜好」Facebook）
瑞士汁雞槌。（「今晚煮乜好」Facebook）
陳皮蒸泥鯭。（「今晚煮乜好」Facebook）
事主表示，這是女兒第一次製作晚餐，但她平日都會經常煮早、午餐予母親和妹妹，更會上網觀看影片學弄甜品。
女兒經常煮早、午餐予母親和妹妹享用。（「今晚煮乜好」Facebook）
女兒上網看教學影片製作布朗尼（Brownie）。（「今晚煮乜好」Facebook）
對此，事主認為「適當時放手真係好重要！母女關係良好也很重要！」，更笑言女兒得以自由發揮，全因有個「懶惰媽媽」，
「我覺得已經滿分架喇！呢個年紀反叛多過乜，所以佢都算乖架喇，上次我仲同佢講笑話，你識煮咁多嘢全靠有一個懶惰媽媽。」
不少家長和網民看到帖文後，紛稱讚事主女兒「好叻女」，留言表示「又乖女，又醒目」、「好乖女，真的，適時放手，對小朋友成長更有幫助」、「可以鍛練小朋友的能力」、「好掂，廚藝比我還好」、「識煮已經好叻，仲要煮得咁『靚仔』」。
另有父母分享自己的經驗，「我個仔13歲，淨係識得煮公仔麵」、「嗰一餐係對仔女第一次煮畀我食，不過就冇你個女咁叻。我個女都24歲喇，在外讀書，自己學煮，算合格啦！」、「想當年，我阿媽都係好懶做家務，10歲就訓練我買餸，（我）12歲就做『伙頭大將軍』，每晚4餸1湯，服侍一家9口，買餸煮飯洗碗掃地『一腳踢』」。
延伸閱讀：【少年廚神】獲媽媽指派每日僅花72元煮晚餐 高中生8星期後變身「慳家廚神」【查看更多】
每朝索取《晴報》：精明生活．健康家庭．開心娛樂
撰文：蘇麗儀