在《愛回家之開心速遞》中飾演接龍IT三子之一「Keyboard」的李興華（Kelvin）在6月已離開無綫，入行十年的他希望向外闖，尋求新發展。近日他在劇集《戰毒》中飾演古惑仔「吹水」，他指今次角色與黃宗澤亦有不少對手戲，是入行以來收到最大迴響的一個角色，而且發揮空間好大。
《愛回家之開心速遞》中飾演Keyboard。(圖片：李興華facebook)
(圖片：受訪者提供)
Kelvin今年已經入行第十年，他在無綫參演過不少角色，最令人深刻應是《愛回家之開心速遞》中的宅男「Keyboard」，不過今次在劇集《戰毒》中就可以見到他不同的一面。他飾演好囂張、好多嘢講嘅古惑仔之餘，外形上髮型服裝都好標奇立異。「今次《戰毒》個角色叫吹水，係一個古惑仔。呢個角色比較寸同囂張、好多嘢講，但佢好忠心於大佬黃宗澤（Bosco）。監製同導演希望我捉住一個點就係好忠心於Bosco，淨係認呢個大佬。而外形上髮型服裝都好標奇立異，衫都會好多花紋。」
(圖片：受訪者提供)
(圖片：受訪者提供)
而Kelvin今次演出與黃宗澤有最多對手戲：「合作過程好順利同好有默契，以前係tvb有合作過，私底下比較熟，有默契。佢係戲上畀好大發揮空間我，允許我即場發揮。當然都好多謝導演畀我哋發揮，而劇中好多場口都見到我哋即場反應。」
(圖片：受訪者提供)
(圖片：受訪者提供)
Kelvin指劇集《戰毒》於內地三個平台上播出：「套劇成績好好，我亦有玩內地直播，反應好熱烈，留言多到睇唔晒，最難忘係大家成日留言「你大佬（黃宗澤）係臥底」，大家都好入戲，仲話全劇最無奈、最寸嘴嘅角色都係你。」
(圖片：受訪者提供)
(圖片：受訪者提供)
(圖片：受訪者提供)
(圖片：受訪者提供)
Kelvin指今次角色為他開拓了內地市場，多了不少內地網民留意他。「我6月離開TVB，7月劇集就播出。因為呢個角色畀多咗好多內地觀眾認識我，內地同行對於角色都好認可。之後仲有內地製作組聯絡我，同我傾網絡電影同劇嘅拍攝、內地商演等。」他亦表示：「要感謝監製林國華、演員統籌黃華民，係佢哋選擇咗我去演「吹水」呢個角色。」
(圖片：受訪者提供)
而Kelvin未來亦有不少回內地工作的機會，估計在9月或10月會北上拍攝：「8月係香港接咗一部電影，會做一個警察嘅角色。嚟緊有好多返內地工作嘅機會，希望有多啲新鮮感畀觀眾。」他續指：「今次係入行以嚟收到最大迴響嘅角色，內地網民嘅反應比預期中熱烈，入面有好多角色對白成為網友經典對白。」
(圖片：受訪者提供)
問到他北上發展後，會否與羅天宇及朱敏瀚繼續經營YouTube Channel？他亦表示YouTube Channel會繼續經營，因為這個平台讓三兄弟可以聚首，「這是我們自己創作的地方，是我們的心血。」
(圖片：受訪者提供)
相關新聞：【愛回家】李興華離巢外闖IT三子要解散？ 入行10年默默耕耘新發展求突破
撰文：林惠珊
責任編輯：楊安莉