陳自瑤（Yoyo）經常都喺社交平台分享佢嘅靚相，單係佢嘅Instagram帳號已經有38萬6千Follows，非常大影響力。
（陳自瑤Facebook圖片）
不過今日Yoyo突然喺佢嘅Facebook出Post，表示自己嘅Instagram被人盜用，對方仲主動Send訊息向佢勒索：「緊急通知！ 想告訴大家，今晚我Instagram被黑客入侵，拿走我的戶口，或勒索我要錢，才能拿回戶口，我的Instagram戶口，已經被換上了那個男人的頭像，如果他用我的戶口向你們做任何事不當的事，請小心，💥💥💥💥那個不是我！所以我要在這裏緊急通知大家，請大家注意！🙏🏼🙏🏼🙏🏼🔥🔥🔥我正在找方法處理！」
對方主動搵Yoyo問佢想唔想要番個帳戶。（陳自瑤Facebook圖片）
原來係想勒索佢$500。（陳自瑤Facebook圖片）
Yoyo之後再出Post附上一封佢日前收到嘅電郵，要佢喺24小時內撳入去電郵附上嘅連結，如果唔係就會關閉佢嘅帳戶。Yoyo懷疑就係因為撳咗，而令到黑客可以盜取佢所有資料。Yoyo續指呢封信冇下款，亦冇其他官方Instagram畀嘅資料，所以應該係假冒。佢仲提醒如果大家用社交網站時必須做雙重認證，減低被盜用嘅機會。
（陳自瑤Facebook圖片）
有網民都見到自己Follow咗一個不知名男人，仲見到佢開直播，一睇之下先發現原來係Yoyo嘅AC被Hack，馬上喺Facebook留言提Yoyo。
（陳自瑤Facebook圖片）
Yoyo都表示有朋友睇到呢個男人開咗直播咗2分鐘，仲喺鏡頭前吸毒，當時約有300百幾人睇咗呢個直播。如今Yoyo嘅帳號唔只已被改名同改頭像，入面嘅相更加全部被刪，幾年嚟儲落6百幾個帖文統統冇晒。
（陳自瑤Facebook圖片）
藝人被盜社文網站帳號嘅情況之前都曾經發生過，傅穎嘅社交網就曾經被入侵，再用嚟發放一啲淫褻及暴力圖片，傅穎最後都無法重奪帳號，逼於無奈開過另一個新嘅帳號。
傅穎（傅穎IG）
蔡少芬微博４月時發布賣衫同首飾嘅短片，並配文「喜歡的可以私信我」，網民懷疑佢嘅帳號被賣貨者盜用。當晚蔡少芬用丈夫張晉嘅微博發文：「我是蔡少芬，我的微博賬號被盜了！不過我不怕，我還有老公的」。佢自己嘅微博中也刪除了相關賣貨內容。
（網上圖片）
不過事後蔡少芬微博澄清係因為自己換咗新手機號，但冇重新綁定微博帳號，所以先出現「被盜號」嘅情況。