【我要做業主】 馮盈盈由上車盤轉攻2000萬豪宅 教人買樓有3個條件不能並存？

香港人想「上車」買樓唔容易，TVB新節目《我要做業主》由胡諾言、林秀怡、彭慧中做主持，首集邀請咗馮盈盈同大家分享上車經驗，希望幫到一班未來業主。

{{hket:inline-image name="21.jpg"}}{{/hket:inline-image}}

(《我要做業主》電視截圖)

馮盈盈喺2018年同前醫生男友鍾文浩以2000萬賺入何文田565呎兩房海景單位連天台單位，可惜，二人分手收場，依家個單位已經放租。馮盈盈喺節目度話：「工作幾年儲咗啲錢，覺得喺香港必須置業。」

{{hket:inline-image name="15.jpg"}}{{/hket:inline-image}}

(馮盈盈instagram圖片)

回想當初，馮盈盈話自己同前男友本來諗住買800萬嘅沙田上車盤，但聽到身邊朋友嘅說服，決定由首選沙田區轉到購入何文田嘅新盤單位。當時馮盈盈冇同父母講就畀咗錢，單位只係歸前男友一人名下。佢話：「事後問返父母意見，佢哋話一早知我會出事，要交啲學費。」不過佢覺得今次賺咗買樓嘅經驗，至於實際賺咗幾多錢，佢笑言：「未到最後都唔知邊個笑到最後。」

▼單位內貌

{{hket:inline-image name="19.jpg"}}{{/hket:inline-image}}

(網上圖片)

{{hket:inline-image name="17.jpg"}}{{/hket:inline-image}}

(網上圖片)

{{hket:inline-image name="18.jpg"}}{{/hket:inline-image}}

(網上圖片)

{{hket:inline-image name="16.jpg"}}{{/hket:inline-image}}

(網上圖片)

{{hket:inline-image name="20.jpg"}}{{/hket:inline-image}}

(網上圖片)

作為過來人，馮盈盈直言當初忽略咗樓換樓嘅投資方式，亦都唔建議婚前同另一半一齊置業：「未結婚，未有名份之前要合資做投資嘅話，事前一定要將啲嘢講得好清楚，數還數要分明。因為之後喺文件上同賬面上要處理，比較複雜同麻煩。我一嚟就想買Dream House，感覺好似一步登天，但忽略咗其實可以樓換樓。」

馮盈盈話買樓好似揀男友咁，除非好有錢或者條件好好，否則唔可以大貪，同時要求樓齡細、地點方便又要面積大，3個條件裡面最多只可以揀2個，佢話：「先買一人可以負擔起嘅物業，再慢慢轉上去，就會少好多拗撬。」馮盈盈經一事長一智，佢話：「我冇因為之前經驗嚇怕咗，我對樓市仍充滿信心。嚟緊我會買啲貼地啲，大眾比較鍾意嘅，實際啲。」

{{hket:inline-image name="23.jpg"}}{{/hket:inline-image}}

(《我要做業主》電視截圖)

講完同前男友嘅買樓經驗，馮盈盈依家又有冇新對象呢？雖然佢被傳撻著鄭衍峰，但馮盈盈至今未有公開認愛，早前佢上《姊妹淘》仲自爆：「我好多對象。」

{{hket:inline-image name="22.jpg"}}{{/hket:inline-image}}

(馮盈盈instagram圖片)

{{hket:inline-image name="14.jpg"}}{{/hket:inline-image}}

(《姊妹淘》電視截圖)

佢稱愛主動出擊約心儀嘅男仔食飯，再製造機會傾心事，佢建議頭3次約會就要使出絕招：「第一次約會要夠短，令到佢意猶未盡，好想再見你；第二次就要畀佢見到你軟弱嘅一面，等佢關心你；第三次要話畀佢聽，同我一齊人生會好美滿，令佢有幻想同我一世可以幸福。」無論買樓定拍拖，馮盈盈都咁有睇法，大家記得抄低學嘢！

{{hket:inline-image name="11.jpg"}}{{/hket:inline-image}}

(《姊妹淘》電視截圖)

{{hket:inline-image name="12.jpg"}}{{/hket:inline-image}}

(《姊妹淘》電視截圖)

{{hket:inline-image name="13.jpg"}}{{/hket:inline-image}}

(《姊妹淘》電視截圖)

撰文：張芷晴
責任編輯：楊安莉